पुणे, ०६ जनवरी (हि.स.)। पूर्व केन्द्रिय मन्त्री तथा वरिष्ठ कांग्रेस नेता सुरेश कलमाडीको आज बिहान सबेरै पुणेमा लामो समयदेखि बिरामी रहेपछि निधन भएको छ। उनले ८१ वर्षको उमेरमा अन्तिम सास लिएका हुन्।

पारिवारिक स्रोतका अनुसार, उनले बिहान करिब ३:३० बजी पुणेको दीनानाथ मंगेशकर अस्पतालमा अन्तिम सास लिए। उनी केही समयदेखि त्यहीँ उपचाररत थिए। सुरेश कलमाडीको पार्थिव शरीरलाई दिउँसो २ बजीसम्म पुणेको एरन्डवानेस्थित कलमाडी हाउसमा अन्तिम दर्शनका लागि राखिनेछ। त्यसपछि अन्तिम यात्रा दिउँसो ३:३० बजी नवी पेठस्थित वैकुण्ठ श्मशान घाट पुग्नेछ।

कलमाडीको जन्म १ मई, १९४४ मा भएको थियो। राजनीतिमा आउनुअघि उनले भारतीय वायुसेनामा पाइलटका रूपमा सेवा गरेका थिए र सन् १९६५ तथा १९७१ का भारत–पाकिस्तान युद्धमा सहभागी भएका थिए। राजनीतिमा प्रवेश गरेपछि उनी नरसिंह राव सरकारमा रेल राज्यमन्त्री बने र रेल बजेटसमेत प्रस्तुत गरेका थिए।

उनी लामो समयसम्म भारतीय ओलम्पिक संघका अध्यक्ष रहे र सन् २०१० दिल्ली राष्ट्रमण्डल खेलकुद आयोजन समितिका अध्यक्ष थिए। उनले पुणेमा राष्ट्रिय खेलकुद, कमनवेल्थ यूथ गेम्सजस्ता ठूला खेलकुद आयोजना गराएका साथै पुणे फेस्टिभलको सुरुआत पनि गरेका थिए। यद्यपि, राष्ट्रमण्डल खेलकुदसँग सम्बन्धित भ्रष्टाचारका आरोपमा उनी विवादमा समेत परेका थिए।

---------------

हिन्दुस्थान समाचार / भवानी थामी