गान्तोक, 10 अक्टोबर (हि.स.)। मुख्यमन्त्रीका प्रेस सचिव योगेन तामाङ र सिक्किम सरकारको एसएसीएच बोर्डका अध्यक्ष सञ्जय दिलपाली राईले रन सिक्किमको सहकार्यमा बगैँचा फ्लावर बुटिकद्वारा आयोजित रन एण्ड ब्लुम कम्युनिटी रन 2026 मा सहभागिता जनाएका छन्। यस कार्यक्रममा पाँच किलोमिटर र 10 किलोमिटरका दौड़ विधामा 250 भन्दा बढ़ी धावकहरूको उत्साहजनक सहभागिता रहेको थियो।
विशेषगरी युवाहरूमाझ स्वस्थ र सक्रिय जीवनशैलीबारे चेतना जगाउने तथा तन्दुरुस्ती र स्वास्थ्यसम्बन्धी गतिविधिहरूमा सामुदायिक सहभागितालाई प्रोत्साहन गर्ने उद्देश्यले यो सामुदायिक दौड़ आयोजना गरिएको थियो। स्वस्थ जीवनशैलीमा मुख्यमन्त्री पीएस गोलेले दिएको प्राथमिकताअनुरूप यस पहलले दैनिक जीवनको अभिन्न अङ्गका रूपमा शारीरिक तन्दुरुस्तीलाई अपनाउनुपर्ने महत्त्वलाई पनि उजागर गर्दछ।
250 भन्दा बढ़ी सहभागीको उपस्थिति रहेको ‘रन एण्ड ब्लुम कम्युनिटी रन 2026’ ले गान्तोकमा तन्दुरुस्ती, सामुदायिक भावना र स्वस्थ जीवनशैलीलाई प्रवर्द्धन गर्ने एक उत्साहजनक पहलका रूपमा काम गरेको बताइएको छ।
---------------
हिन्दुस्थान समाचार / बिशाल
10 Oct 2026
