गुवाहाटी, 12 अक्टोबर (हि.स.)। असमका मुख्यमन्त्री डा. हिमनत विश्व सरमाले सोमवार कङ्ग्रेस नेता राहुल गान्धी र उनको पार्टीमाथि भारतको लोकतन्त्रको जगमा आक्रमण गरेको आरोप लगाए। उनले घोषणा गरे, असम प्रदेश भाजपाले मङ्गलवारदेखि आगामी 31अक्टोबरसम्म राज्यका हरेक जिल्ला मुख्यालयमा शान्तिपूर्ण सार्वजनिक सभा गर्नेछ।
मुख्यमन्त्रीले सामाजिक सञ्जालको एउटा पोस्टमा आरोप लगाए, लोकतान्त्रिक जनादेशको मामिलामा कङ्ग्रेसले दोहोरो मापदण्ड अप्नाउँछ। उनले भने, प्रधानमन्त्री नरेन्द्र मोदीको निर्वाचनलाई राहुल गान्धीद्वारा कथित रूपमा षड्यन्त्र बताइएको छ, तर स्वयं संसदको लागि निर्वाचित हुनु अनि पछि लोकसभामा विपक्षको नेताको पद सम्हाल्दा उनले प्रश्न उठाउँदैनन्।
सरमाले असम र केरलको चुनाउ परिणाममाथि कङ्गेसको प्रतिक्रियामाथि पनि प्रश्न उठाए। उनले आरोप लगाए, कङ्ग्रेसको लागि लोकतान्त्रिक परिणाम त्यसबेला मात्र स्वीकार्य हुन्छ जतिबेला उ पार्टीको पक्षमा हुन्छ।
मुख्यमन्त्रीले यो पनि आरोप लगाए, भारतका मुख्य न्यायाधीशद्वारा भेट गर्नदेखि अस्वीकार गरे तापनि राहुल गान्धीले सर्वोच्च अदालतसम्म पदयात्रा गरेर न्यायपालिकामाथि राजनीतिक दबाव दिने प्रयास गरे। उनले भने, जनताको आस्थाको प्रतिनिधित्व गर्ने संवैधानिक संस्थाहरू कुनै पनि राजनीतिक दलको चुनावी निराशाको निशाना बन्न हुँदैन।
सरमा अनुसार भाजपाको प्रस्तावित सार्वजनिक सभाहरूमा कङ्ग्रेसमाथि संवैधानिक संस्थाहरूलाई धम्की दिएको, मतदाता सूचीको विशेष गहन संशोधन (एसआईआर)- को विरोध गरेर घुसपैठीहरूलाई संरक्षण गरेको तथा जनताको लोकतान्त्रिक जनादेशको अपमान गरेको आरोपप्रति मानिसहरूलाई जागरूक बनाउनेछ।
मुख्यमन्त्रीले जनताको बहुमूल्य जनादेशलाई सम्मान गर्नुपर्ने र संवैधानिक संस्थाहरूको स्वतन्त्रतालाई कुनै पनि मूल्य चुकाएर संरक्षण गर्नुपर्ने बताए। राजनीतिक लाभका लागि यी संस्थाहरूलाई धम्की दिन वा बन्धक बनाउन कसैलाई अनुमति दिन सकिँदैन भनी उनले जोड़ दिए।
--------
हिन्दुस्थान समाचार / उष्णता छेत्री शर्मा
