गान्तोक, 12 अक्टोबर (हि.स.)। लोकसभामा विपक्षी दलका नेता राहुल गान्धीको आह्वानमा भारतका मुख्य न्यायाधीश भेट्न सर्वोच्च न्यायालयतर्फ गरिएको र्यालीमा सिक्किम प्रदेश कङ्ग्रेस कमिटी (एसपीसीसी) का अध्यक्ष गोपाल छेत्री र कोषाध्यक्ष कर्मा टाशी भोटियालगायत पार्टीका अन्य सदस्य सोमवार दिल्लीमा आयोजित उक्त र्यालीमा सहभागी भए।
यस र्यालीमा देशभरिबाट युवा, नागरिक र विभिन्न राजनीतिक दलका सदस्यसहित मानिसहरूको बाक्लो उपस्थिति देखियो। उनीहरू चुनावी सुधार, पारदर्शिता र जवाफदेहिताको मागमा एकजुट भएका थिए। उक्त विराट् सहभागिताले चुनावी प्रक्रियामा अनुचित अभ्यास भएको दाबी गर्दै जनसाधारणको सामूहिक चासो र चिन्तालाई सशक्त रूपमा प्रदर्शन गर्यो।
एसपीसीसीले विज्ञप्तिमा भनेको छ, “यो आन्दोलनले राहुल गान्धीको मात्र नभएर लोकतन्त्रको रक्षा गर्न तथा प्रत्येक भारतीयको स्वतन्त्र र निष्पक्ष रूपमा मतदान गर्ने मौलिक अधिकारको संरक्षण गर्न आवाज उठाइरहेका अनगिन्ती युवा र नागरिकहरूको आकाङ्क्षाको प्रतिनिधित्व गर्दछ। सहभागीहरूले मुख्य निर्वाचन आयुक्त ज्ञानेश कुमारको राजीनामाको माग गरे र डर वा पक्षपातबिना लोकतान्त्रिक मूल्य-मान्यताहरूको पालना गर्ने निष्पक्ष तथा जवाफदेही निर्वाचन आयोगको आवश्यकतामा जोड़ दिए।”
हिन्दुस्थान समाचार / बिशाल
