मङ्गन, 13 अक्टोबर (हि.स.)। सड़क तथा पुल विभागका मन्त्री एनबी दाहालले मङ्गलावर जङ्गु निर्वाचन क्षेत्रमा निर्माणाधीन सड़क र सम्बन्धित पूर्वाधारहरूको निरीक्षण गरेका छन्। यो भ्रमण मन्त्रीद्वारा राज्यभरि सड़क पूर्वाधार र जारी कार्यहरूको प्रगतिको निरीक्षण तथा मूल्याङ्कन गर्ने अभियानको एक हिस्सा रहेको थियो।

फिदाङमा मन्त्री तथा क्षेत्र विधायक पिञ्छो नामग्याल लेप्चाले मन्त्री दाहाललाई स्वागत जनाए। यस अवसरमा पञ्चायत प्रतिनिधि, ओएसडी, जङ्गुका एसडीएम र बीडीओ, सड़क तथा पुल विभाग एवं वन तथा पर्यावरण विभागका अधिकारीहरूका साथै सेना र सीमा सड़क सङ्गठन (बीआरओ) का अधिकारीहरूको पनि उपस्थिति रहेको थियो।

निरीक्षण कार्य फिदाङ-साङ्कालङ राजमार्गबाट शुरु भयो। सम्बन्धित अधिकारीहरूसँगको अन्तरक्रियाका क्रममा मन्त्रीले काम समयमै सम्पन्न गर्न र सर्वसाधारणलाई हुने असुविधा कम गर्न विभिन्न विभागबीच नजिकको समन्वय हुनुपर्ने कुरामा जोड़ दिए।

त्यसपछि, मन्त्रीले अप्पर जङ्गुको कायेममा निर्माणाधीन दुई-लेनको पुलको निरीक्षण गरे। मन्त्री तथा विधायक पिञ्छो नामग्याल लेप्चाको दृढ़ मार्गदर्शन र व्यक्तिगत पहलमा भइरहेको कामको प्रशंसा गर्दै मन्त्री दाहालले स्थलगत अभियन्ता र परियोजनाका ठेकेदारलाई काममा तीव्रता दिन र पुल यथाशीघ्र सम्पन्न गर्न निर्देशन दिए।

सड़क तथा पुल मन्त्रीले अप्पर जङ्गुको लिङ्थेममा निर्माणाधीन थेकुङ मुनसोलोङको पूर्ण आकारको प्रतिमा स्थलको पनि भ्रमण गरे। उनलाई कामको प्रगतिबारे जानकारी गराइयो। यो कार्य यस वर्षको दिसम्बरको अन्त्यसम्ममा सम्पन्न हुने अपेक्षा गरिएको छ। यो परियोजना लेप्चा समुदाय र जङ्गुको समृद्ध ऐतिहासिक तथा सांस्कृतिक विरासतको संरक्षण र प्रवर्द्धन गर्ने दिशामा एक महत्त्वपूर्ण पहलको रूपमा अघि बढ़ाइएको हो।

मन्त्री दाहालले आफ्नो भ्रमणको क्रममा समय निकालेर जङ्गुको लिङ्थेमस्थित सरकारी जुनियर हाई स्कूलमा भइरहेको लिङ्थेम ल्याङ च्यालेञ्ज कपमा पनि सहभागिता जनाए। उनीसँगै मन्त्री लेप्चा र अन्य विशिष्ट व्यक्तिहरूको पनि उपस्थिति रहेको थियो। भ्रमणमा आएका विशिष्ट अतिथिहरूलाई जिल्ला पञ्चायत सदस्य निम्चुङ लेप्चा, लिङ्थेम जुनियर हाई स्कूलकी प्रधान अध्यापक जेजे लेप्चा र अन्य पञ्चायत प्रतिनिधिहरूले न्यानो स्वागत जनाए।

सड़क तथा पुल विभागका मन्त्रीले सम्बन्धित क्षेत्रका विधायकसँगै गरेको जङ्गुको यस भ्रमणले जिल्लामा सड़क तथा सम्बन्धित पूर्वाधार निर्माण कार्यलाई तीव्रता दिने, समग्र सम्पर्क सञ्जालमा सुधार ल्याउने र यस क्षेत्रको विकासलाई अघि बढ़ाउने राज्य सरकारको प्रतिबद्धतालाई थप बलियो बनाएको छ।

---------------

हिन्दुस्थान समाचार / बिशाल