सिलगढ़ी, 14 अक्टोबर (हि.स.)। दुर्गा पूजाको उत्सवबीच चतुर्कीको बिहान सिलगढ़ीका बासिन्दाहरूले प्रकृतिको बहुमूल्य उपहार प्राप्त गरे। बुधवार बिहान सफा आकाशमुनि हिउँले ढाकेको कञ्चनजङ्घा पर्वतको दर्शन भयो भने 'सुतिरहेका बुद्ध'- को मनमोहक दृश्यलाई देखेर मानिसहरू मन्त्रमुग्ध भए। धेरैले यो सुन्दर दृश्यलाई आफ्नो क्यामरामा कैद गरे, त्यसपछि तस्वीर एवं भिडियोहरू सोशल मिडियामा भाइरल भयो।
उल्लेखनीय छ, विगत केही महिनादेखि वर्षा र निरन्तर न्यून चापका कारण कञ्चनजङ्घाको दर्शन हुन सकिरहेको थिएन। यसले पहाड़ भ्रमणमा आएका केही पर्यटकहरूलाई निराश पारेको थियो। तर पछिल्ला केही दिनदेखि कम वर्षा र बुधवार बिहान सफा आकाश रहेको कारणले पर्वतको भव्य दृश्य देख्न पाइयो।
बिहान हिँड्न निक्लेका मानिसहरूदेखि काममा जाने बटुवाहरूसम्म सबैजनाले यो देखेर एक क्षणका लागि रोकिए। सिलगढ़ीका विभिन्न फ्लाइओभरहरूबाट काञ्चनजङ्घाको तस्वीर पनि खिचे।
स्थानीयहरू अनुसार सिलगढ़ी र जलपाईगुडीबाट कञ्चनजङ्घा देख्न सकिन्छ, तर बुधवार बिहान जस्तो स्पष्ट झलक प्रायः दुर्लभ नै हुन्छ। सिलगढ़ी बाहेक, 'सुतिरहेका बुद्ध' कालेबुङ सहित धेरै वटा छेउछाउका क्षेत्रहरूबाट पनि देखिएका थिए।
हिन्दुस्थान समाचार / उष्णता छेत्री शर्मा
14 Oct 2026
