कोलकाता, १९ अक्टोबर (हि.स.)। प्रत्येक वर्षझैँ यस वर्ष पनि रामकृष्ण मठ तथा मिशनको मुख्यालय बेलूर मठमा हर्षोल्लास र विधिपूर्वक कुमारी पूजाको आयोजना गरियो। सोमवार बिहानैदेखि यस विशेष अनुष्ठानको साक्षी बन्न र दर्शन गर्न मठ परिसरमा भक्तजन तथा श्रद्धालुहरूको ठूलो भीड़ लागेको थियो।
यस वर्ष बेलूर मठमा हुगली जिल्लाको रिसड़ाकी पाँच वर्ष नौ महिना २१ दिनकी कन्या देवादृता ब्यानर्जीलाई ‘कुमारी’ का रूपमा पूजा गरियो। वैदिक मन्त्रको उच्चारण र परम्परागत अनुष्ठानबीच उनलाई देवीको ‘सुभगा’ स्वरूपमा पूजा गरियो। कुमारी स्वरूपमा रहेकी देवीको दर्शन तथा आशीर्वाद प्राप्त गर्न श्रद्धालुहरू उत्सुक देखिए।
बेलूर मठसँगै बाँकुड़ा जिल्लाको जयरामबाटी स्थित मातृमन्दिरमा पनि पूर्ण श्रद्धा र परम्परागत रीतिरिवाज अनुसार कुमारी पूजा सम्पन्न भयो। माता सारदाको पवित्र जन्मस्थल जयरामबाटीमा आयोजित यस विशेष पूजामा सहभागी हुन राज्यका विभिन्न भागबाट ठूलो सङ्ख्यामा भक्तजनहरू भेला भए।
दुवै पवित्र स्थलमा भक्तिभाव र उत्सवको अद्भुत सङ्गम देखियो, जहाँ श्रद्धालुहरूले पूर्ण आस्थाका साथ देवीको आराधना गरे।
हिन्दुस्थान समाचार / भवानी थामी
