नोएडा, 03 नोभेम्बर (हि.स.)। नोएडाका विभिन्न थाना क्षेत्रमा भएको छुट्टा-छुट्टै सड़क दुर्घटनामा दुई वर्षीय बालक सहित चार जना मानिसहरूको मृत्यु भयो। पुलिसले सबै घटनामा अग्रिम कानुनी कारबाही गरिरहेको छ।

थाना सेक्टर 142- का प्रभारी सञ्जय कुमार सिंहले बताए, मूल रूपमा बिहार निवासी शनि मोदी आफ्नो परिवारसँग शाहदरा गाउँमा बस्दै आएका छन्। उनका दुई वर्षीय छोरा शिवराज मङ्गलवार बिहान आफ्नो घर बाहिर खेल्दै गर्दा पानी आपूर्ति गर्ने पिक-अप वाहनले उसलाई ठक्कर दियो। बालकलाई गम्भीर अवस्थामा फेलिक्स अस्पतालमा लगियो जहाँ उपचारको क्रममा उसको मृत्यु भयो। घटनाको जानकारी पाएपछि पुलिसले घटनास्थलमा पुगेर ट्रकलाई जफत गऱ्यो। तर चालक भागेको छ। भगौड़ा चालकलाई खोजिरहेको छ।

थाना सेक्टर 20-का प्रभारी अरविन्द कुमारले बताए, महेश शर्मा (42), पुत्र कृष्ण देव शर्मा, मूल रूपमा बिहारको समस्तीपुर जिल्लाका निवासी थिए। यहाँ उनी निठारी गाउँमा बस्थे र मजदुरको रूपमा काम गर्थे। सोमवार राति उनी गाउँबाट पैदल हिँड्दै गर्दा एउटा अज्ञात वाहनले उनलाई ठक्कर दियो। उनलाई गम्भीर चोट लागेको अवस्थामा अस्पताल लगियो जहाँ उपचारको क्रममा अस्पतालमै उनको मृत्यु भयो। घटनाको जानकारी पाएर घटनास्थलमा पुगेको पुलिसले शवलाई कब्जा गरी पोस्टमर्टम गर्नको लागि पठाइदियो।

यसरी नै रबुपुरा पुलिस थाना अन्तर्गत हिजो राती भएको सड़क दुर्घटनामा टिकम सोलङ्कीका छोरा अजय सोलङ्की (39) गम्भीर घाइते भएको एसएचओ श्याम बाबु शुक्लाले बताए। उनलाई अस्पताल लगिएको थियो जहाँ उपचारको क्रममा उनको मृत्यु भयो। पुलिसले यस घटनाको अनुसन्धान गरिरहेको छ।

31 वर्षीय हनीफको हिजो राती अङ्गारत पुलिस थाना क्षेत्रमा भएको सड़क दुर्घटनामा मृत्यु भएको स्टेशन एक्सप्रेसवे प्रभारी अमित खारीले बताए। पुलिसले मुद्दा दर्ता गरी घटनाको अनुसन्धान गरिरहेको छ।

--------

हिन्दुस्थान समाचार / उष्णता छेत्री शर्मा