नयाँ दिल्ली, 03 फरवरी (हि.स.)। भारत-अमेरिका व्यापार सम्झौतालाई लिएर बनेको संशयलाई स्पष्ट पार्न केन्द्रिय वाणिज्य तथा उद्योग मन्त्री पियुष गोयलले मंगलवार संसदमा बयान दिनसक्छन्।

आधिकारिक सूत्रहरूले यहाँ यो जानकारी प्रदान गरेको हो। सोमवार राति प्रधानमन्त्री नरेन्द्र मोदीसँगको फोन वार्तापछि अमेरिकी राष्ट्रपति डोनाल्ड ट्रम्पको सामाजिक सञ्जाल पोस्ट र त्यसपछि प्रधानमन्त्री मोदीको एक्समा पोस्टपछि सम्झौताबारे अड्कलबाजी व्याप्त छ। अमेरिकी राष्ट्रपतिले भारतमाथि लागू कर घटाएर तत्काल 18% गर्ने घोषणा पनि गरे। यो घोषणा विदेशमन्त्री एस जयशंकर अमेरिकी यात्रामा वाशिंगटनमा रहेको बेला भएको हो।

स्रोतहरू अनुसार, वाणिज्य तथा उद्योग मन्त्री मुम्बईबाट नयाँ दिल्ली फर्किरहेका छन् र सम्झौताको रूपरेखा स्पष्ट पार्दै सम्झौताबारे संसदमा बयान दिने सम्भावना छ।

अमेरिकी राष्ट्रपति ट्रम्पले सोमवार भने, भारत र अमेरिका एक व्यापार सम्झौतामा सहमत भएका छन्, जस अन्तर्गत वाशिंगटनले भारतीय समानहरूमा प्रतिशोधात्मक करलाई हालको 25% बाट 18 % मा घटाउनेछ। यसमा आफ्नो प्रतिक्रिया दिँदै प्रधानमन्त्री मोदीले भने, उनी खुशी छन् कि 'मेड इन इन्डिया' उत्पादनहरूमा अब घटाइएको 18% को शुल्क लाग्नेछ।

केन्द्रिय वाणिज्य मन्त्री पीयूष गोयलले एक्स पोस्टमा पनि लेखेका छन्, यो सम्झौताले किसान, एमएसएमई, उद्यमी र दक्ष कामदारहरूका लागि अभूतपूर्व अवसरहरू खोल्नेछ, जसबाट उनीहरूले विश्वका लागि 'मेक इन इन्डिया', विश्वका लागि 'डिजाइन इन इन्डिया' र विश्वका लागि 'इनोभेट इन इन्डिया' गर्न अनुमति पाउनेछऩ्। यसले भारतलाई संयुक्त राज्य अमेरिकाबाट तकनीक प्राप्त गर्न मद्दत गर्नेछ।

हिन्दुस्थान समाचार / भवानी थामी