नयाँ दिल्ली, २० मार्च (हि.स.)। प्रधानमन्त्री नरेन्द्र मोदीले शुक्रबार देवी ब्रह्माचारिणीको दिव्य र परोपकारी कृपाबारे प्रकाश पार्दै एउटा संस्कृत सुभाषित साझा गरेका छन्।

प्रधानमन्त्री मोदीले आज नवरात्रिको गहिरो आध्यात्मिक वातावरणबारे आफ्ना विचार साझा गर्दै ‘एक्स’ मा लेखे, उक्त संस्कृत सुभाषितमा देवी ब्रह्मचारिणीको दिव्य र दयालु कृपाको वर्णन गरिएको छ। नवरात्रिमा माता अम्बेको भक्तिले भरिएको वातावरणले मनलाई असीम शान्ति र ऊर्जाले भरिदिन्छ। माताप्रति समर्पित श्रद्धा र विश्वासको गुञ्जनले हृदयलाई स्पन्दित बनाउँछ। उनले माता अम्बेलाई समर्पित एउटा भक्तिगीत पनि सुनाए।

उनले लेखेका छन्, माता ब्रह्मचारिणीको चरणमा कोटि-कोटि नमन! देवी माताले सबै भक्तजनमाथि आफ्नो कृपा बनाइराखून्।

उनले “दधाना करपद्माभ्यामक्षमालाकमण्डलू। देवी प्रसीदतु मयि ब्रह्मचारिण्यनुत्तमा।।” श्लोक पनि साझा गरेका छन्, जसको अर्थ हो, जस देवीले आफ्ना कमलजस्ता हातमा माला र जलको कलश धारण गर्नुहुन्छ, ती परम श्रेष्ठ देवी ब्रह्मचारिणी ममाथि प्रसन्न होऊन्।

---------------

हिन्दुस्थान समाचार / भवानी थामी