शिमला, 28 मार्च (हि.स.)। पूर्व मुख्यमन्त्री तथा पूर्व केन्द्रिय मन्त्री शान्ता कुमारले लिभ-इन रिलेशनलाई लिएर कड़ा प्रतिक्रिया दिएका छन्। उनले भने, इलाहाबाद उच्च अदालतले लिभ-इन सम्बन्धलाई कानुनी मान्यता दिँदै, त्यसमाथि कुनै पनि कारबाही गर्न निषेध गर्ने निर्णय चिन्ताजनक छ।
शनिवार एक विज्ञप्तिमा शान्ता कुमारले लिभ-इन सम्बन्ध सभ्य समाजमा अनुपयुक्त मात्र नभई सामाजिक मूल्य विरुद्ध गम्भीर प्रवृत्ति पनि भएको बताए। उनले यस्ता सम्बन्धले परिवार व्यवस्थालाई कमजोर बनाउने भन्दै समाजका लागि हानिकारक भएको बताए।
उदाहरण दिँदै उनले भने, जब एक पुरुष, परिवार र बच्चाहरू भएपनि विवाहपछि अर्को महिलासँग अलग्गै बस्नथाल्छ, यसले परिवारको लागि मात्र नभई सम्पूर्ण समाजको लागि पीड़ादायी अवस्था सिर्जना गर्छ। यस्ता अवस्थामा बच्चाहरूमाथि पनि नकारात्मक मनोवैज्ञानिक प्रभाव पार्छ र धेरै परिवारहरू टुट्ने अवस्थामा पुग्छ।
पूर्व मुख्यमन्त्रीले भने, यस्ता घटनाहरूले समाजमा गलत संस्कार फैलाउँछ र सामाजिक संरचनालाई हानि पुर्या उँछ। उनले समाज र सबै राज्य सरकारहरूलाई यस विषयमा गम्भीरतापूर्वक विचार गर्न र यस्ता प्रवृत्तिहरूलाई रोक्न सकेसम्म चाँड़ो कड़ा कानून बनाउन अपील गरे।
हिन्दुस्थान समाचार / भवानी थामी
28 Mar 2026
