नयाँ दिल्ली, 05 मार्च (हि.स.)। न्युजिल्यान्डका विस्फोटक ब्याट्सम्यान फिन एलेनले टी-२० विश्वकपको सेमिफाइनलमा दक्षिण अफ्रिकाविरुद्ध मात्र ३३ बलमा शतक प्रहार गर्दै इतिहास रचेका छन्। यो टी-२० विश्वकपको इतिहासमै सबैभन्दा छिटो शतक हो।

एलेनले १०० रनको पारी खेल्दै न्युजिल्यान्डलाई १७० रनको लक्ष्य मात्र १२.५ ओभरमै पूरा गराए। आफ्नो विस्फोटक इनिङ्समा उनले १० चौका र ८ छक्का प्रहार गरे।

यसअघि टी-२० विश्वकपमा सबैभन्दा छिटो शतकको कीर्तिमान वेस्टइन्डिजका क्रिस गेलको नाममा थियो। उनले २०१६ मा इङ्गल्याण्ड विरुद्ध ४७ बलमा शतक बनाएका थिए।

फिन एलेनको ३३ बलको शतक टी-२० अन्तरराष्ट्रिय क्रिकेट इतिहासमा संयुक्त रूपमा तेस्रो सबैभन्दा छिटो शतक पनि हो। उनले नामिबियाका जेन निकोल लोफ्टी-ईटन र जिम्बाब्वेका सिकन्दर रजाको कीर्तिमान बराबरी गरेका छन्। टी-२० अन्तरराष्ट्रिय क्रिकेटमा सबैभन्दा छिटो शतक भने एस्टोनियाका साहिल चौहानको नाममा छ, जसले २७ बलमा यो उपलब्धि हासिल गरेका थिए।

टी-२० विश्वकपमा सबैभन्दा छिटो शतक:

फिन एलेन (न्युजिल्यान्ड)- ३३ बल, दक्षिण अफ्रिका विरुद्ध, २०२६

क्रिस गेल (वेस्टइन्डिज)- ४७ बल, इङ्ग्ल्याण्ड वीरुद्ध, २०१६

क्रिस गेल (वेस्टइन्डिज)- ५० बल, दक्षिण अफ्रिका विरुद्ध, २००७

ब्रेन्डन म्याकुलम (न्युजिल्यान्ड)- ५१ बल, बांग्लादेश विरुद्ध, २०१२

राइली रोसो (दक्षिण अफ्रिका)- ५२ बल, बांग्लादेश विरुद्ध, २०२२

---------------

हिन्दुस्थान समाचार / बिशाल