वाशिङ्गटन, 05 मार्च (हि.स.)। अमेरिकाका राष्ट्रपति डोनाल्ड ट्रम्पले हिन्दू पर्व होलीको अवसरमा सबैलाई शुभकामना दिएका छन्। उनको सन्देश ह्वाइट हाउसले जारी गरेको हो। उनले अमेरिकावासीलाई शुभकामना दिँदै शान्तिको आशा व्यक्त गरेका छन्।

उनले भने, “मेलानिया र म होली मनाउने सबैलाई हार्दिक शुभकामना व्यक्त गर्दछौं। यो दिन वसन्त ऋतुको आगमनको स्वागत र असत्यमाथि सत्य तथा नराम्रोमाथि राम्रोको विजयको उत्सव हो। आज जब संसारभरका समुदायहरू रङहरूको यस पर्व मनाउन एकत्रित भइरहेका छन्, म होली मनाउने सबै अमेरिकीहरूलाई आशा, शान्ति र एकताले भरिएको दिनको शुभकामना दिन्छु।”

---------------

हिन्दुस्थान समाचार / भवानी थामी