कोलकाता, 16 अप्रेल (हि.स.)। पश्चिम बंगाल विधानसभा चुनाउको पहिलो चरण अगाड़ी राजनीतिक गतिविधि तीव्र भएको छ। आगामी 23 अप्रेलमा हुने चुनाउअघि भारतीय जनता पार्टी (भाजपा) ले आफ्नो अभियान तीव्र बनाएको छ। बिहिवार पश्चिम बर्दवानमा एक जनसभालाई सम्बोधन गर्दै उत्तर प्रदेशका मुख्यमन्त्री तथा भाजपाका स्टार प्रचारक योगी आदित्यनाथले राज्यको सत्तारुढ़ तृणमूल कांग्रेसमाथि चर्को हमला गरे।

जनसभामा मुख्यमन्त्री योगी आदित्यनाथले पश्चिम बंगाल अराजकता, माफिया शासन र भ्रष्टाचार जस्ता समस्याहरूले ग्रस्त रहेको बताए। उनले विकासको लागि राखिएको रकम कटमनी र भ्रष्टाचारमा हराएको आरोप लगाए। उत्तर प्रदेशको उदाहरण दिँदै उनले भने कि नौ वर्ष पहिले त्यहाँ पनि यस्तै अवस्था थियो, जहाँ अपराध, दंगा र माफिया हावी थियो। योगी आदित्यनाथले डबल इन्जिन सरकार आएपछि स्थितिमा सुधार आएको दाबी गरे।

योगी आदित्यनाथले भने, विगत 15 वर्षदेखि बंगालमा पहिचान संकट र डरको वातावरण सिर्जना गर्नेहरूलाई अब हटाउनु आवश्यक छ। उनले आरोप लगाए कि तृणमूल कांग्रेसको शासनकालमा राज्यमा माफिया संस्कृति फस्टाएको छ र जनता असुरक्षित महसूस गरिरहेका छन्।

उनले थप भने, भाजपा यो माफिया प्रवृत्तिलाई अन्त्य गर्न प्रतिबद्ध छ। योगी आदित्यनाथले राज्यमा कानून व्यवस्था र विकासलाई सुदृढ़ पार्न भाजपालाई समर्थन गर्न मतदाताहरूलाई अपील गरे।

हिन्दुस्थान समाचार / भवानी थामी