गोलाघाट (असम), 28 मई (हि.स.)। असमको गोलाघाट जिल्ला अन्तर्गत देरगाउँ क्षेत्रमा एउटा घरमा पालेको हात्तीले हमला गरेको कारणले एकजना महावतको मृत्यु भयो। यस घटनापछि क्षेत्रका मानिसहरू भयभित भएका छन्।

जानकारी अनुसार देरगाउँको मलाई कुमार गाउँबाट रामप्रसाद नामक हात्तीलाई उसको महावतले लिएर गइरहेको थियो। त्यसै मार्गमा अवस्थित शिव मन्दिरको छेउमा अर्को घर पालुवा हात्ती प्रशान्तले पहिलाबाटै बाँसको पत्ता खाइरहेको थियो। यसै अवधि दुई वटा हात्तीहरूमाझ तनाउ उत्पन्न भयो।

भनिन्छ, रामप्रसाद नामक हात्ती अचानक आक्रामक भयो। स्थितिलाई नियन्त्रण गर्नको लागि प्रशान्त हात्तीका महावतले पहल गरे, तर रामप्रसादले उमाथि हमला गऱ्यो जसले गर्दा महावतको घटनास्थलमै मृत्यु भयो।

घटनापछि रामप्रसाद हात्ती घटनास्थलबाट भाग्यो। तर पछि उसको महावतले बङ्गाल गाउँको एक निरनजन क्षेत्रबाट नियन्त्रण गरेर जञ्जीरहरूले बाँध्यो।

सूचना पाउनसाथ देरगाउँ पुलिस औ वन विभागको टीम घटनास्थलमा पुग्यो। टीमले स्थितिको जाँच गरिरहेको छ।

स्थानीय मानिसहरू अनुसार रामप्रसाद हात्ती पहिला पनि आक्रामक भइसकेको छ। लगभग एक वर्ष अगाड़ि उसले आफ्नै मालिकमाथि हमला पनि गरेको थियो जसमा मालिकको मृत्यु भएको थियो।

हिन्दुस्थान समाचार / उष्णता छेत्री शर्मा