कोलकाता, 28 मई (हि.स.)। पश्चिम बङ्गालमा विधानसभा चुनाउपछि सृजित राजनीतिक स्थितिबीच तृणमूल कङ्ग्रेस अब विपक्षको भूमिकमा छ, तर विधानसभामा उसलाई अहिलेसम्म पनि आधिकारिक रूपमा विपक्षी दलको दर्ता प्राप्त भएको छैन। यस मुद्दासँगसँगै पार्टीका केही विधायकहरूको कथित संदिग्ध गतिविधिलाई लिेर नेतृत्व सतर्क भएका छन्।

यस्तो स्थितिलाई ध्यानमा राखेर आगामी आइतवार तृणमूल कङ्ग्रेसको विधानमण्डलीय दलको एक महत्वपूर्ण बैठक डाकिएको छ। पार्टी सूत्रानुसार सबै विधायकहरूलाई अनिवार्य रूपमा उपस्थित रहने निर्देश दिइएको छ। यो बैठक कोलकातास्थित पूर्व मुख्यमन्त्री ममता ब्यानर्जी को आवासको कन्फ्रेन्सिङ्ग रूममा आयोजना हुनेछ।

तृणमूल विधायक दलका नेता शोभनदेव चट्टोपाध्यायले बताए, बैठकमा सबै विधायकहरूको उपस्थिति आवश्यक छ। उनले भने, पार्टी सुप्रीमो ममता ब्यानर्जीलाई पनि बैठकमा सामेल हुने अनुरोध गरिएको छ ताकि उनले विधायकहरूलाई दिशानिर्देश दिन सकुन्।

शोभनदेव चट्टोपाध्याय जसलाई पार्टीले 83 वर्षको उमेरमा विधानमण्डलीय दलका नेता नियुक्त गरेको छ,- को भनाइ छ, सङ्गठनलाई एकजुट राख्नु नै अहिलेको सबैभन्दा ठूलो प्राथमिकता हो।

हिजोआज पार्टीभित्रका घटनाहरूलाई लिएर राजनीतिक खैलाबैला तीव्र भएको छ। दिल्लीको पुरानो बङ्ग भवनमा भएको विधायक ऋतब्रत ब्यानर्जी र मुख्यमन्त्री शुभेन्दु अधिकारीको भेटलाई लिएर चर्चा भइरहेको थियो। तथापि ऋतब्रत ब्यानर्जीले यसलाई मात्र शिष्टाचार भेट बताएका थिए।

यस अतिरिक्त विधानसभाका स्पीकर रथीन्द्र नाथ बसुको कक्षमा भएको बैठक र बैठकमा केही विधायकहरूको उपस्थितिलाई लिएर पनि प्रश्न उठिरहेको छ। यता गत बुधवार स्पीकरसित भेट हुन नसकेकोमा शोभनदेव चट्टोपाध्याय र विधायक कुणाल घोषले विधानसभा परिसरमा धरना पनि दिएका थिए।

पार्टीको भनाइ छ, यस बैठकमा सङ्गनलाई मजबुत बनाउने, विधायकहरूको एकजुटता कायम राख्ने, विधानसभामा विपक्षी दलको दर्जा र विधायकहरूको लागि कोठा आवन्टन जस्ता मुद्दाहरूमाथि रणनीति तय हुनसक्छ।

हिन्दुस्थान समाचार / उष्णता छेत्री शर्मा