नयाँ दिल्ली, 12 जून (हि.स.)। उत्तर प्रदेशको फिरोजाबाद रेलवे स्टेशन नजिकै लखनऊ-नयाँ दिल्ली शताब्दी एक्सप्रेसमा ढुङ्गा प्रहारको घटनामा रेलवे सुरक्षा बल (आरपीएफ) ले दुई जना अभियुक्तलाई पक्राउ गरेको छ। सीसीटीभी फुटेजको सहयोगमा दुवै जनाको पहिचान गरिएको छ।

रेलवे अधिकारीहरू अनुसार, 11 जूनमा साँझ 7.18 बजीतिर प्रयागराज डिभिजन अन्तर्गत फिरोजाबाद स्टेशन नजिकै आइपुग्दा रेल नम्बर 12003 लखनऊ-नयाँ दिल्ली शताब्दी एक्सप्रेसमा ढुङ्गा प्रहार गरिएको थियो। रेलवे सुरक्षा बल र सम्बन्धित अधिकारीहरूले अनुसन्धान शुरु गरे। स्टेशन र वरपरका क्षेत्रहरूबाट सीसीटीभी फुटेजको आधारमा संदिग्धहरूको पहिचान गरियो, जसपछि दुई जना अभियुक्तहरूलाई पक्राउ गरियो।

रेलवे अधिकारीहरूले यस घटनामा थप कानूनी कारबाही भइरहेको बताएका छन्। यात्रु सुरक्षालाई आफ्नो सर्वोच्च प्राथमिकता बताउँदै रेलवेले यस्ता घटनामा संलग्न व्यक्तिहरू विरुद्ध कड़ा कारबाही गरिने भनेको छ। घटनामा कुनै पनि यात्रु घाइते भएको रिपोर्ट गरिएको छैन। यद्यपि, ढुङ्गा हानाहानका घटनाहरूलाई रेलवे सम्पत्ति र यात्रु सुरक्षाको लागि गम्भीर खतरा मानिन्छ।

उल्लेख्य, बिहिवार अबेर साँझ केही असामाजिक तत्वहरूले मक्खनपुर र फिरोजाबाद रेलवे स्टेशनहरूबीचको पैमेश्वर गेट नजिकै लखनऊ-नयाँ दिल्ली शताब्दी एक्सप्रेसलाई निशाना बनाएका थिए। घटनाको समय राष्ट्रिय स्वयंसेवक संघ (आरएसएस) प्रमुख मोहन भागवत पनि रेलको ई-1 कोचमा यात्रा गरिरहेका थिए। यद्यपि, घटनामा उनी वा अन्य कुनै यात्रु घाइते भएनन्।

जब रेल टुन्डला स्टेशन पुग्यो, आरपीएफ टोलीले कोचको निरीक्षण गर्योो र बाहिरी शिशा मात्र क्षतिग्रस्त पाए। घटनापछि पुलिस, एलआईयू र अन्य सुरक्षा एजेन्सीहरू घटनास्थलमा पुगे र अनुसन्धान शुरु गरे। वरिष्ठ पुलिस अधीक्षक आदित्य लाङ्घे अनुसार, यस विषयमा अनुसन्धान गर्न सात सदस्यीय पुलिस टोली गठन गरिएको थियो र सीसीटीभी फुटेजको आधारमा कारबाही गरियो। रेलवे अधिकारीहरूले यात्रु सुरक्षासित खेलवाड़ गर्नेहरू विरुद्ध कड़ा कारबाही जारी रहने बताए।

हिन्दुस्थान समाचार / भवानी थामी