नयाँ दिल्ली, 13 जुलाई (हि.स.)। प्रधानमन्त्री नरेन्द्र मोदीले आज नीतिशास्त्रको एक प्रसिद्ध श्लोक उद्धृत गर्दै देशको समावेशी विकास तथा राष्ट्र निर्माणमा प्रत्येक नागरिकको सहभागिताको महत्वलाई जोड दिएका छन्।

प्रधानमन्त्री मोदीले सामाजिक सञ्जाल एक्समा श्लोक उद्धृत गर्दै लेखेका छन्-

“'कन्यानां सम्प्रदानञ्च कुमाराणाञ्च रक्षणम्। राष्ट्रस्य सङ्ग्रहे नित्यं विधानमिदमाचरेत्॥'

यसको अर्थ महिलाहरूको कल्याण सुनिश्चित गर्नु, युवा पुस्ताको संरक्षण र उचित पालनपोषण गर्नु तथा राष्ट्रको एकता, सुरक्षा, समृद्धि र सुशासनका लागि आवश्यक व्यवस्थाहरू निरन्तर कायम राख्नु जनप्रतिनिधिको स्थायी कर्तव्य हो।

प्रधानमन्त्री मोदीले यस सुभाषितको भावार्थ स्पष्ट पार्दै भनेका छन्, जब चौतर्फी विकाससँगै प्रत्येक नागरिकको जीवनमा सकारात्मक परिवर्तन सुनिश्चित हुन्छ, तब राष्ट्रको प्रगति पनि नयाँ गतिमा अघि बढ्छ। यही प्रेरणादायी भावनासहित भारतको सुदृढ़ता र विकासलाई निरन्तर प्राथमिकता दिइँदै आएको उनले उल्लेख गरेका छन्।

---------------

हिन्दुस्थान समाचार / भवानी थामी