सिलगढी 01 अगस्त (हि.स.)। पुलिसले खोरीबाडीको भारत-नेपाल सीमामा रहेको पानीट्याङ्की क्षेत्रमा लागुऔषधको खेप बिक्री गर्न आएका एकजना तस्करलाई पक्राउ गरेको छ। पक्राउ परेका अभियुक्त मालदा जिल्लाको मोथाबाड़ी निवासी अजिजुर मियाँका रूपमा पहिचान गरिएको छ। पुलिसले शुक्रबार राति उत्तर रामधन जोत क्षेत्रबाट अभियुक्तलाई पक्राउ गरेको हो।

आरोपी व्यक्तिबाट दुईवटा प्याकेटमा कुल 204 ग्राम ब्राउन शुगर बरामद गरिएको छ। बरामद गरिएको ब्राउन शुगरको अनुमानित बजार मूल्य लाखौँ रुपियाँ रहेको बताइएको छ। अभियुक्तलाई शनिबार सिलगढी डिभिजनल अदालतमा पेश गरिनेछ।

अभियुक्त सीमा क्षेत्रमा अवैध पदार्थ हस्तान्तरण गर्न कसलाई आएका थिए भन्नेबारे पुलिसले जॉंच गरिरहेको छ।

हिन्दुस्थान समाचार / बिशाल