'वेलकम' फ्रेन्चाइजीका स्मरणीय पात्र उदय-मजनू उर्फ अनिल कपूर र नाना पाटेकरलाई 'वेलकम टु द जङ्गल' मा दर्शकले निकै मिस गरेका थिए। अब निर्माता फिरोज नाडियाडवाला आगामी जोम्बी-कमेडीका लागि लोकप्रिय जोडीलाई पुनर्मिलन गर्न तयार रहेको कुरा अघि आएको छ। अहमद खानद्वारा निर्देशित यस फिल्ममा अनिल कपूर र नाना पाटेकर पूर्ण रूपमा नयाँ भूमिकामा देखिनेछन्। यी दुई अभिनेतासँग यस परियोजनाका लागि वार्ता चलिरहेको बताइएको छ।
रिपोर्टका अनुसार, अनिल र नानाले फिल्ममा आफ्ना पुराना उदय-मजनूभन्दा पूर्णतया फरक चरित्रका लागि तयारी गरिरहेका छन्। निर्माताहरूले नयाँ युगका दर्शकहरूबिच समान रूपमा लोकप्रिय हुने जोडी प्रस्तुत गर्ने प्रयास गरिरहेका छन्। यसैबिच फिल्ममा मुख्य भूमिकाका लागि टाइगर श्रफलाई फाइनल गरिएको चर्चा छ। उनीमार्फत फिल्ममा जबरदस्त एक्सनको रोमांच पनि देख्न सकिनेछ।
यो चलचित्र अहिले लेखन चरणमा रहेको र पारिवारिक मनोरञ्जकको रूपमा बनाउने योजना रहेको बताइएको छ। निर्माता फिरोज नाडियाडवाला बालबालिका र परिवारलाई ध्यानमा राखेर जोम्बी-कमेडी फिल्म बनाउन चाहन्छन्। फिल्मको कथामा हरर, कमेडी र एक्सनको मिश्रण देखिने छ। रिपोर्टका अनुसार, फिल्मको सुटिङ 2027 मा शुरु हुन सक्छ। यदि अनिल कपूर र नाना पाटेकरको पुनरागमन पक्का भयो भने यो जोडीले फेरि एक पटक दर्शकलाई हसाउन तयार हुनेछ।
--------
हिन्दुस्थान समाचार / बिशाल
