नयाँ दिल्ली, 16 अगस्त (हि.स.)। दिल्ली सरकारले आइतवार तिमारपुरबाट 25 वटा नयाँ अटल क्यान्टिनको उद्घाटन गरेर राजधानीमा 100 वटा अटल क्यान्टिनको वाचा पूरा गरेको बताएको छ। पूर्व प्रधानमन्त्री तथा भारत रत्न अटल बिहारी वाजपेयीको जयन्ती 25 दिसम्बर 2025 मा गरिएको 100 वटा अटल क्यान्टिनको संकल्प आज उनको पुण्यतिथिमा पूरा भएको सरकारको भनाइ छ।

पूर्व उपराष्ट्रपति वेंकैया नायडूले आइतवार तिमारपुरबाट दिल्लीका जनताका लागि 25 वटा नयाँ अटल क्यान्टिनको उद्घाटन गरी त्यसलाई देशवासीरूको सेवामा समर्पण गरेका छन्। यस अवसरमा दिल्लीकी मुख्यमन्त्री रेखा गुप्ता, दिल्लीका शिक्षा मन्त्री आशिष सूद, भारतीय जनता पार्टी (भाजपा) का सांसद मनोज तिवारी, विधायक सूर्य प्रकाश खत्री उपस्थित थिए।

मुख्यमन्त्रीले आजदेखि यी 100 वटा अटल क्यान्टिन मार्फत लगभग 1 लाख श्रमिक र खाँचोमा परेका परिवारले दैनिक 5 रुपियाँमा पौष्टिक खाना पाउने बताइन्। यससँगै दिल्लीका जनतालाई दिएको अझ् एउटा वाचा हाम्रो सरकारले पूरा गरेको छ।

हिन्दुस्थान समाचार / भवानी थामी