लखनऊ, 25 अगस्त (हि.स.)। बहुजन समाज पार्टी (बसपा) की राष्ट्रिय अध्यक्ष मायवतीले पार्टीले पञ्जाब विधानसभा चुनाउ एक्लै लड्ने बताइन्। उनले गठबन्धन र चुनावी सम्झौताले आफ्नो पार्टीलाई नोकसान हुने गरेको बताइन्। आफ्ना कार्यकर्ताहरूलाई अपील गर्दै उनले विरोधीहरूको सबै रणनीति सामना गर्न र राम्रो परिणामका लागि तयारी गर्नुपर्ने बताइन्।
बसपा प्रमुखले मङ्गलवार लखनऊको बसपा केन्द्रिय शिविर कार्यालयमा पञ्जाबमा विधानसभा चुनाउको तयारीबारे समीक्षा बैठक गरिन्। यसमा पञ्जाबका पार्टी पदाधिकारी र कार्यकर्ताहरूले भाग लिए।
बैठकपछि मायवतीले पञ्जाब, उत्तराखण्ड र उत्तर प्रदेशमा आगामी विधानसभा चुनाउका लागि तयारी तीव्र गरिएको घोषणा गरिन्। पार्टीले मेहनती, इमानदार मानिसहरूलाई मैदानमा उतार्ने पनि बैठकमा निर्णय भएको छ। उत्तर प्रदेश र उत्तराखण्डमा जस्तै बसपा कुनै गठबन्धन र समझौताबिना पञ्जाब विधानसभा चुनाउ एक्लै लड्ने उनले बताइन्। यसको मुख्य कारण चुनावी गठबन्धनबाट बसपालाई सिटमा र मतमा हुने हानीबाट जोगाउनु हो। पार्टीका मानिसहरूको म्यानेबललाई खस्नबाट रोक्नु हो।
यस बाहेक बसपा प्रमुखले 09 अक्टोबरमा पार्टी संस्थापक कान्सीरामको पुण्यतिथीको तयारी गरी सफल बनाउन निर्देश दिएकी छन्।
हिन्दुस्थान समाचार / भवानी थामी
