वाशिङ्टन, २५ अगस्त (हि.स.)। अमेरिकाले सिरियालाई आधिकारिक रूपमा आफ्नो ‘स्टेट स्पोन्सर अफ टेरोरिज्म’ (आतङ्कवाद प्रायोजक राष्ट्र) को सूचीबाट हटाएको छ। अमेरिकी वित्त मन्त्रालयले जारी गरेको अधिसूचनापछि विदेश मन्त्रालयको यो निर्णय प्रभावकारी भएको हो। यसअघि गरिएको घोषणापछि अमेरिकी कंग्रेसमा सम्पन्न समीक्षा प्रक्रियापछि यो कदम चालिएको हो।
यस निर्णयसँगै सिरियामाथि उक्त विशेष श्रेणीअन्तर्गत लागू रहेका विभिन्न कानुनी प्रतिबन्धहरूको प्रभाव समाप्त हुनेछ। यसमा अमेरिकी सहायता, रक्षा सामग्रीसम्बन्धी निर्यात तथा केही वित्तीय कारोबारमा लगाइएका प्रतिबन्धहरू समावेश छन्। अमेरिकी प्रशासनको यो निर्णयलाई सिरियाप्रति वाशिङ्टनको नीतिमा आएको महत्वपूर्ण परिवर्तनका रूपमा हेरिएको छ।
अमेरिकी वित्त मन्त्रालयअन्तर्गतको विदेशी सम्पत्ति नियन्त्रण कार्यालय (ओएफएसी) ले पनि नियमहरूमा संशोधन गर्दै सिरियालाई आतंकवाद प्रायोजक राष्ट्रसँग सम्बन्धित नियामकीय प्रावधानबाट हटाइएको पुष्टि गरेको छ। यद्यपि, यस निर्णयको अर्थ सिरिया वा त्यससँग सम्बन्धित सबै व्यक्ति तथा संस्थामाथि लागू अन्य अमेरिकी प्रतिबन्धहरू स्वतः समाप्त हुने भने होइन।
हिन्दुस्थान समाचार / बिशाल
