नयाँ दिल्ली, 27 अगस्त (हि.स.)। ब्रिक्स शिखर सम्मेलन 12-13 सेप्टेम्बरमा नयाँ दिल्लीको भारत मण्डपममा आयोजना हुनेछ। भारत हाल ब्रिक्सको अध्यक्ष हो र यसले 18औँ शिखर सम्मेलनको आयोजना गर्नेछ। यसमा ब्रिक्स देशका सरकार र राज्य प्रमुखहरूले भाग लिनेछन्।

भारतको ब्रिक्स प्रेसिडेन्सी 'लचिलोपन, नवाचार, सहकार्य र स्थिरता निर्माण' विषयवस्तुद्वारा निर्देशित हुने विदेश मन्त्रालयले बिहिवार जानकारी दिएको छ। यसले 'मानवता पहिले' को भावनामा आधारित प्रधानमन्त्रीको जन-केन्द्रित दृष्टिकोणलाई प्रतिबिम्बित गर्दछ।

ब्रिक्समा उक्त विषयहरू बाहेक नेताहरूले साझा प्राथमिकताहरूमा अन्तर-ब्रिक्स सहयोगलाई सुदृढ़ पार्ने र आपसी महत्त्वका विश्वव्यापी र क्षेत्रीय मामिलाहरूमा आफ्नो दृष्टिकोण साझा गर्ने विचार आदान-प्रदान गर्नेछन्।

भारतको अध्यक्षतामा वर्षभरि कार्यक्रमहरू आयोजना गरिएका छन्। ब्रिक्स रणनीतिक साझेदारी तीन वटा आधारभूत स्तम्भहरूमा आधारित छ-राजनीतिक र सुरक्षा, आर्थिक र वित्तीय र सांस्कृतिक र जन-जन आदान-प्रदान। यसलाई सुदृढ़ पार्न भारतका 25 भन्दा बढ़ी शहरहरूमा 350 भन्दा बढ़ी बैठक र उच्चस्तरीय परामर्शहरू सम्पन्न भइसकेका छन्।

भारत ब्रिक्सको संस्थापक सदस्य हो। यस अघि 2012, 2016 र 2021 मा तीन पटक यसको अध्यक्षता गरिसकेको छ। भारतले 1 जनवरी 2026 मा चौथो पटक ब्रिक्सको अध्यक्षता ग्रहण गरेको थियो। साल 2026 एउटा महत्त्वपूर्ण पढ़ाव हो। यस वर्ष ब्रिक्सले आफ्नो स्थापनाको बीस वर्ष पूरा गरेको छ।

/ बिशाल