नयाँ दिल्ली, २४ सेप्टेम्बर (हि.स.)। उत्तर प्रदेशमा भएको बस आगलागी दुर्घटनामा राष्ट्रपति द्रौपदी मुर्मु र रक्षामन्त्री राजनाथ सिंहसहित धेरै नेताहरूले गहिरो दुःख व्यक्त गर्दै पीडित परिवारहरूप्रति आफ्नो संवेदना प्रकट गरेका छन्।
राष्ट्रपति मुर्मुले ‘एक्स’ मा भनेकी छन्, “उत्तर प्रदेशमा यमुना एक्सप्रेस-वेमा एउटा बसमा आगलागी हुँदा मानिसहरूको मृत्यु भएको समाचार अत्यन्त पीडादायी छ। म शोकसन्तप्त परिवारहरूप्रति गहिरो संवेदना व्यक्त गर्दछु। यस दुर्घटनामा घाइते भएका व्यक्तिहरू शीघ्र स्वस्थ होऊन् भन्ने कामना गर्दछु।”
रक्षामन्त्री राजनाथ सिंहले भने, 'ग्रेटर नोएडामा यमुना एक्सप्रेस-वेमा स्लीपर बसमा आगलागी हुँदा यात्रुहरूको मृत्यु हुनु अत्यन्त दुःखद एवं हृदयविदारक छ। यस पीडादायी दुर्घटनामा आफ्ना प्रियजन गुमाएका परिवारहरूप्रति उनको गहिरो संवेदना छ। ईश्वरले शोकाकुल परिवारजनलाई यो अपार दुःख सहने शक्ति प्रदान गरून्। उनले घाइतेहरूको शीघ्र स्वास्थ्यलाभको प्रार्थना गरेका छन्।
उल्लेखनीय छ, दिल्लीको कश्मीरी गेटबाट उत्तर प्रदेशको महोबा जाँदै गरेको डबल डेकर बसमा बुधबार मध्यराति यमुना एक्सप्रेस-वेमा ३३ किलोमिटरको स्थानमा आगलागी भएको थियो। त्यसबेला बसमा ३५ जना सवार थिए। यस दुर्घटनामा एक महिलासहित नौ जनाको जलेर मृत्यु भएको छ।
हिन्दुस्थान समाचार / भवानी थामी
