जोधपुर, २४ सेप्टेम्बर (हि.स.)। पुलिस आयुक्तालयको तर्फबाट लागुऔषध तथा अवैध हतियार जफ्तीका लागि पुलिसको विशेष टोली परिचालन गरिएको छ। बुधवार अबेर साँझ डीएसटी पश्चिमको सूचनाका आधारमा विवेक विहार पुलिसले सेक्टर ११ मा पार्किङ गरेर राखिएको एउटा स्कार्पियोबाट दुई जना संदिग्धलाई पक्राउ गरेको छ। गाड़ीमा बसेका दुई जनासँग सोधपुछ तथा तलासी लिएपछि पुलिसले त्यहाँबाट देशी पेस्तोल, दुई वटा म्यागजिन र तीन वटा जिउँदो गोली जफत गरेको छ। पक्रा परेका दुवै अभियुक्त विरुद्ध थप मुद्दा दर्ता हुने प्रारम्भिक जानकारी प्राप्त भएको छ। हाल पुलिसले अवैध हतियारका सम्बन्धमा सोधपुछ गरिरहेको छ।

पुलिस आयुक्त अंशुमान भोमिया तथा डीसीपी पश्चिम कमल शेखावतको निर्देशमा एडीसीपी पश्चिम प्रवीण कुमार, एसीपी बोरानाडा हिमांशु तथा विवेक विहार थानाका प्रभारी पुलिस उपनिरीक्षक विश्राम मीणाको नेतृत्वमा टोली गठन गरिएको थियो। पुलिस टोलीले डीएसटी पश्चिमबाट प्राप्त सूचनाका आधारमा विवेक विहार सेक्टर ११ मा पार्किङ गरेर राखिएको एउटा स्कार्पियोमा छापा मारेको थियो। गाड़ीमा सालवांकलां डांगियावास निवासी नथूरामका छोरा दिनेश चौधरी र उनीसँगै चित्तौड़गढ़ बस्सी निवासी शंकरलालका छोरा सिद्धार्थ उर्फ सन्दीप फेला परेका थिए।

उनीहरूको तलासी लिँदा एक देशी पेस्तोल, तीन वटा जिउँदो कारतूस तथा दुईवटा म्यागजिन जफत भयो। पेस्तोलमा गोली लोड गरिएको अवस्थामा थियो।

पुलिसले गाड़ीका सम्बन्धमा अनुसन्धान गर्दा त्यसको चेसिस नम्बर घिसारिएको अवस्थामा रहेको पाइएको थियो। उक्त गाड़ी चोरीको हुन सक्ने आशंका गरिएको छ। विवेक विहार थाना पुलिसले दुवै जना विरुद्ध हतियार सम्बन्धी एक्ट तथा अन्य धारा अन्तर्गत मुद्दा दर्ता गरेको छ। अभियुक्त दिनेश विरुद्ध यसअघि पनि केही मुद्दा रहेको पाइएको छ। सिद्धार्थ उर्फ सन्दीपका सम्बन्धमा थप जानकारी संकलन भइरहेको छ।

हिन्दुस्थान समाचार / भवानी थामी