पश्चिमी सिंहभूम, 26 सेप्टेम्बर (हि.स.)। देशका पूर्व प्रधानमन्त्री एवं भारत रत्न डा. मनमोहन सिंहको जयन्तीको अवसरमा शनिवार पश्चिमी सिंहभूम जिल्ला कङ्ग्रेस कमिटीद्वारा कङ्ग्रेस भवन, चाइबासामा श्रद्धाञ्जली एवं स्मरण कार्यक्रम आयोजना गरियो। कार्यक्रममा कङ्ग्रेस नेताहरू तथा कार्यकर्ताहरूले डा. मनमोहन सिंहको चित्रमा पुष्प अर्पण गरी उनलाई श्रद्धाञ्जली दिए अनि राष्ट्र निर्माणमा उनले पुऱ्याएका योगदानहरूलाई स्मरण गरे।

यस अवसरमा जिल्ला कङ्ग्रेस प्रवक्ता त्रिशानु रायले भने, डा. मनमोहन सिंहलाई सादगी, शालीनता, विद्वता औ सार्वजनिक जीवनमा इमानदारीको लागि सदैव स्मरण गरिनेछ। उनले भने, देशका प्रधानमन्त्रीको रूपमा डा.मनमोहन सिंहले आर्थिक क्षेत्रमा महत्वपूर्ण फसेला लिनका साथै देशको विकास यात्रालाई नयाँ दिशा दिनमा भूमिका निभाए। उनको कार्यकालमा लिइएका केही निर्णयहरूको देशको आर्थिक एवं सामाजिक व्यवस्थामा व्यापक प्रभाव पऱ्यो।

त्रिशानु रायले भने, डा. मनमोहन सिंहको सार्वजनिक जीवन ज्ञान, विनम्रता, संयम औ कर्मठताको उदाहरण रहिआएको छ। उनले लोकतान्त्रिक संस्था तथा संवैधानिक मूल्यको निम्ति पूर्ण प्रतिबद्ध भएर देशकोसेवा गरे। आम नागरिकहरूको हित अनि देशको विकासको लागि उनको योगदानलाई लामो समयसम्म सम्झिइनेछ।

कार्यक्रममा उपस्थित कङ्ग्रेसजनहरूले डा. मनमोहन सिंहका विचार, आदर्श औ लोकतान्त्रिक मूल्यहरूलाई आफ्नो सार्वजनिक जीवनमा अप्नाउने सङ्कल्प लिए। यस अवसरमा आदिवासी कङ्ग्रेसका राष्ट्रिय समन्वयक दीनबन्धु बोयपाई, यूथ इन्टक जिलाध्यक्ष सुरेश सावैयाँ, खण्ड अध्यक्ष दिकु सावैयाँ, सुरेश चन्द्र सावैयाँ, शिक्षा विभागका चेयरम्यान पुरुषोत्तम दास पान, कैरा बिरुवा, इम्तियाज खान, सुनिता दोङ्गो, ताला माई तापेए, राजेन्द्र कच्छप, राकेश सिंह, प्रदीप बाग, सुरज सुँडी, सुशिल दास समेत ठूलो सङ्ख्यामा कङ्ग्रेस कार्यकर्ताहरू उपस्थित थिए।

हिन्दुस्थान समाचार / उष्णता छेत्री शर्मा