नयाँ दिल्ली, 0४ सेप्टेम्बर (हि.स.)। विश्व हिन्दू परिषद् (विहिप) को स्थापना दिवसका अवसरमा विभिन्न राज्यका केन्द्रिय मन्त्री तथा मुख्यमन्त्रीहरूले सङ्गठनका कार्यकर्ताहरूलाई बधाई तथा शुभकामना दिएका छन्। सनातन संस्कृतिको संरक्षण, हिन्दू समाजमा एकता, सामाजिक सद्भाव तथा राष्ट्रसेवाका लागि विहिपले गर्दै आएको कार्यको नेताहरूले प्रशंसा गरेका छन्।

केन्द्रिय सड़क यातायात तथा राजमार्ग मन्त्री नितिन गडकरीले विहिपका सबै कार्यकर्तालाई स्थापना दिवसका अवसरमा बधाई तथा शुभकामना दिएका छन्।

केन्द्रिय मन्त्री अर्जुन राम मेघवालले संस्कृत श्लोक ‘धर्मो रक्षति रक्षितः’ उल्लेख गर्दै सनातन संस्कृति, हिन्दू धर्म, राष्ट्रिय गौरव तथा सामाजिक सद्भावको संरक्षणमा सक्रिय विश्वको सबैभन्दा ठूलो हिन्दू सङ्गठन विश्व हिन्दू परिषद्को स्थापना दिवसमा सबैलाई शुभकामना दिएका छन्।

उत्तर प्रदेशका मुख्यमन्त्री योगी आदित्यनाथले हिन्दू एकता, सनातन संस्कृतिको संरक्षण तथा राष्ट्र जागरणको पवित्र उद्देश्यमा समर्पित विश्व हिन्दू परिषद्को स्थापना दिवसका अवसरमा सबै कार्यकर्ता तथा सनातन साधकहरूलाई बधाई तथा शुभकामना दिएका छन्। उनले सङ्गठित तथा समतामूलक हिन्दू समाज, सुदृढ़ राष्ट्र र सनातन मूल्यहरूको प्रवर्द्धनका लागि विहिपले गर्दै आएको निरन्तर प्रयास सबैका लागि प्रेरणाको स्रोत रहेको बताएका छन्।

दिल्लीकी मुख्यमन्त्री रेखा गुप्ताले विहिपको स्थापना दिवसका अवसरमा राष्ट्रसेवामा समर्पित सबै कार्यकर्तालाई शुभकामना दिएकी छन्। हिन्दू समाजमा आत्मज्ञान, एकता तथा आत्मसम्मानको भावना जगाउनु, सनातन संस्कृतिको जीवन्त परम्परालाई सुदृढ़ बनाउनु तथा सेवालाई राष्ट्रिय कार्यको माध्यम बनाउनु विहिपको मूल प्रेरणा रहेको उनले बताएकी छन्। सङ्गठनका कार्यकर्ताहरूको दृढ़ता, त्याग तथा समर्पण प्रेरणादायी रहेको उनको भनाइ छ।

उत्तराखण्डका मुख्यमन्त्री पुष्कर सिंह धामीले सनातन संस्कृति, सेवा तथा समाज कल्याणका लागि निरन्तर कार्य गरिरहेको विश्व हिन्दू परिषद्को स्थापना दिवसका अवसरमा सबै कार्यकर्तालाई शुभकामना दिएका छन्। सेवा, संस्कार तथा सामाजिक एकताको क्षेत्रमा महत्वपूर्ण भूमिका निर्वाह गर्दै समाजलाई सजग र सङ्गठित बनाउन विहिपले निरन्तर प्रयास गरिरहेको उनले बताएका छन्। समाजमा सकारात्मक परिवर्तन ल्याउन परिषद्को कार्य महत्वपूर्ण रहेको उनको भनाइ छ।

मध्य प्रदेशका मुख्यमन्त्री मोहन यादवले राष्ट्रसेवा, भारतीय संस्कृति तथा सनातन संस्कृतिको संरक्षणमा समर्पित विश्व हिन्दू परिषद्को स्थापना दिवसका अवसरमा शुभकामना दिएका छन्। समाजसेवा, सद्भाव तथा सांस्कृतिक चेतना अभिवृद्धिमा सङ्गठनको भूमिका प्रशंसनीय रहेको उनले बताएका छन्। ‘मम दीक्षा हिन्दू रक्षा, मम मन्त्र समानता’को भावनाका साथ धर्म, संस्कृति तथा राष्ट्रसेवाको संकल्पलाई अघि बढ़ाउने कामना उनले गरेका छन्।

राजस्थानका मुख्यमन्त्री भजनलाल शर्माले विश्व हिन्दू परिषद्को स्थापना दिवसका अवसरमा सबै समर्पित कार्यकर्तालाई बधाई दिएका छन्। भारतीय संस्कृति, सनातन जीवन–मूल्य तथा राष्ट्रसेवाको संरक्षणका लागि सङ्गठनको समर्पण सदैव हितकारी तथा प्रेरणादायी रहेको उनले बताएका छन्।

हिन्दुस्थान समाचार / भवानी थामी