नयाँ दिल्ली, 7 अक्टोबर (हि.स.)। देशका प्रथम उपप्रधानमन्त्री औ गृह मन्त्री लौह पुरुष सरदार वल्लभभाई पटेलको जयन्तीमा आगामी 31 अक्टोबरको दिन राजधानी दिल्लीमा मुख्यमन्त्री रेखा गुप्ताको नेतृत्वमा राज्य स्तरीय एकता पदयात्राको आयोजन गरिनेछ। यो यात्रा पटेल चौकदेखि शुरू भएर नेशनल वार मेमोरियलसम्म पुग्नेछ। यसमा लगभग पाँच हजार प्रतिभागीहरू सामेल हुनेछन्।
दिल्लीका शिक्षा मन्त्री आशिष सूदले मंगलवार सचिवालयमा आयोजित एक प्रेस कन्फ्रेन्समा बताए, दिल्ली सरकारले प्रधानमन्त्री नरेन्द्र मोदीको मार्गदर्शन अनि मुख्यमन्त्री रेखा गुप्ताको नेतृत्वमा लौह पुरूष सरदार वल्लभभाई पटेलको 150औं जन्म जयन्तीको उपलक्ष्मा राजधानीमा भव्य राष्ट्रिय एकता कार्यक्रमको आयोजन गरिरहेको छ। यस अवसरमा केन्द्र सरकार अनि युवा एवं खेल मन्त्रालयको आह्वानमा दिल्लीमा अनेकौं प्रेरणादायक कार्यक्रमहरू आयोजना गरिनेछ।
दुई महिनासम्म चल्ने यो अभियानको मुख्य सन्देश एक भारत, आत्मनिर्भर भारत, एकजुट भारत, विकसित भारतसँगसँगै युवाहरूमा राष्ट्रिय एकता, नशामुक्त जीवन, स्वच्छ यमुनाको सन्देश फैलाउनु हो। सरकार पटेलको यो 150औं जयन्तीले कश्मीरदेखि कन्या कुमारीसम्म एकताको त्यो भावनालाई जगाउनेछ जसको कल्पना उनले स्वयं गरेका थिए।
हिन्दुस्थान समाचार / उष्णता छेत्री शर्मा
