गान्तोक, 07 अक्टोबर (हि.स.)। देवराली र छाङ्गुमा वार्षिक रोपवे मक-ड्रिल आयोजनलाई लिएर आज गान्तोक जिल्लाका जिल्लापालको कार्यालयमा एक तयारी बैठक आयोजन गरियो। बैठकमा सबै प्रमुख हितधारकहरू उपस्थित थिए।
बैठकमा मक-ड्रिलको मिति तय गर्न र सुरक्षा सञ्चालनको समीक्षा गर्न छलफल गरियो भने सबै सहभागीहरूबाट सुझाउहरू आमन्त्रित गरिएको थियो। जिल्लापालले दुईवटै रोपवे प्रशिक्षित प्राविधिक कर्मचारीहरू र आवश्यक आपतकालीन उपकरणहरूले सुसज्जित भएको हुनुपर्ने कुरामा जोड दिए।
मक-ड्रिलको क्रममा कर्मचारीहरूले आपतकालीन अवस्थामा तयारी सुनिश्चित गर्न भर्टिकल रेस्क्यु कार्यहरू प्रदर्शन गर्नेछन्। रोपवेहरूलाई ड्रिल अवधि उद्धार प्रविधिहरू प्रदर्शित गर्न निर्देशन दिइएको छ।
बैठकमा तय गरिएअनुसार देवराली रोपवेमा आगामी 16 अक्टोबरका दिन मक-ड्रिल सम्पन्न गरिने छ। यसैगरी, छाङ्गु रोपवेमा नोभेम्बर 2025 को पहिलो साता मक-ड्रिल सम्पन्न गरिने छ। बैठकमा क्योङनोस्ला र नाथाङ जीपीयू अन्तर्गत स्वयंसेवकहरूका लागि उच्च-उचाइमा आवासीय आपदा उद्धार प्रशिक्षण सञ्चालन गर्ने बारेमा विस्तृत छलफल गरियो।
हिन्दुस्थान समाचार / बिशाल
