नयाँ दिल्ली, 20 नोभेम्बर (हि.स.)।
दिल्लीस्थित इन्दिरा गांधी राष्ट्रिय कला केन्द्र (आईजीएनसीए) मा दुई दिने वार्षिक दिवस समारोहको शुभारम्भ भएको छ। यस उत्सवको क्रममा संस्थान परिसरमा कला प्रदर्शनीका साथै मनमोहक संगीत र नृत्य प्रस्तुतिहरू आयोजना गरियो।
आईजीएनसीएको विज्ञप्ति अनुसार, संस्थानका अध्यक्ष रामबहादुर रायले संस्कार भारतीको सहयोगमा कलादर्शन प्रभागद्वारा आयोजित प्रदर्शनी ‘सौहार्द’ को उद्घाटन गरे, जसमा भारतका सांस्कृतिक स्थलहरू र पंढरपुर वारी यात्रासँग सम्बन्धित रमाइला चित्रहरू प्रदर्शन गरिएका थिए। यसका साथै ‘पूर्वोत्तर भारतीय राज्यहरूको सांस्कृतिक परिदृश्यमा सुषिर वाद्यहरूको संरचना र स्वरूप’ नामक अर्को अनौठो प्रदर्शनीको पनि उद्घाटन गरियो।
कलादर्शन प्रभागद्वारा आयोजित यी प्रदर्शनीहरूका क्यूरेटर सिक्किम विश्वविद्यालयका संगीत विभागका सहायक प्राध्यापक डा. सन्तोष कुमारले हुन्, जसमा सिक्किमको वाद्ययन्त्र, असमको सिफुंग र तंगमुरीजस्ता पूर्वोत्तरका पारम्परिक वाद्ययन्त्रहरू देख्न पाइन्छ। यी प्रदर्शनहरू २१ नोभेम्बर साँझ ६ बजेसम्म खुला रहने छन्।
यस अवसरमा सेनिया घरानाका विश्वस्तरीय सारंगी वादक उस्ताद कमाल साबरीले मनमोहक प्रस्तुति दिए। तत्पश्चात् संगीता चट्टर्जी र कल्पतरु डान्स एन्सेम्बलले ‘दिव्य रास’ कार्यक्रममा राधा-कृष्णका लीलाहरू नृत्य र संगीतको माध्यमले जीवित गराए। यो प्रस्तुति आईजीएनसीएको एनएमसीएम प्रभागले आयोजना गरेको थियो।
दोस्रो दिन डा. सुभद्रा देसाइले हिन्दुस्तानी शास्त्रीय संगीत प्रस्तुत गर्नेछन् भने आभा श्रीवास्तव र उनको समूहले बुंदेलखंडको बधाई नृत्य प्रस्तुत गर्नेछन्।
वार्षिक दिवस समारोहको पहिलो दिन कला, संगीत, नृत्य र सांस्कृतिक विमर्शको समृद्ध परम्पराहरू प्रस्तुत गरियो।
यस अवसरमा विशिष्ट अतिथि अभिजीत गोखले र प्रो. एसके स्वाइन, आईजीएनसीएका अध्यक्ष रामबहादुर राय, सदस्य सचिव डा. सच्चिदानन्द जोशी, संस्कार भारतीको अखिल भारतीय संगठन मन्त्री अभिजीत गोखले, सिक्किम विश्विद्यालयका कुलपति प्रो. एसके स्वाइन र आईजीएनसीएको कलादर्शन प्रभागकी अध्यक्ष प्रो. ऋचा कम्बोज सहित अन्य अतिथिगण उपस्थित थिए।
हिन्दुस्थान समाचार / भवानी थामी
20 Nov 2025
