कोलकाता, 21 नोभेम्बर (हि.स.)।
भारतीय तट रक्षक बलले बंगालको उत्तरी खाडी क्षेत्रमा भारतको विशेष आर्थिक क्षेत्रभित्र अवैध रूपमा प्रवेश गरेको बंगलादेशी माछा मार्ने डुङ्गा पक्राउ गरेको छ। डुङ्गामा सवार 28 जना व्यक्तिलाई नियन्त्रणमा लिइएको छ।
तट रक्षक बलले दिएको विवरण अनुसार, अन्तरराष्ट्रिय समुद्री सीमारेखाको निगरानीका क्रममा भारतीय तट रक्षकको एक पोतले भारतको जलक्षेत्रमा शंकास्पद डुङ्गा देखेको थियो। डुङ्गा रोकेपछि पत्ता लाग्यो कि उक्त डुङ्गा बंगलादेशको माछा मार्ने डुङ्गा थियो, जसले मरीन जोन्स अफ इन्डिया एक्ट 1981 को उल्लङ्घन गरेको पाइयो।
अधिकारीहरूले बताए अनुसार, पक्राउ गरिएका 28 मध्ये कुनै पनि चालक दल सदस्यसँग भारतको समुद्री क्षेत्रमा माछा मार्ने अनुमति पत्र थिएन। डुङ्गामा भेटिएका जाल र माछाले प्रतिबन्धित क्षेत्रमा माछा मार्ने कार्य भएको पुष्टि गर्छ। डुङ्गालाई नमखाना फिसिङ हार्बर ल्याई समुद्री पुलिसले नियन्त्रणमा लिएको छ। यो हप्ताको चौथो ठूलो कारबाही हो।
---------------
हिन्दुस्थान समाचार / भवानी थामी
