उज्जैन, २१ नोभेम्बर (हि.स.)। मध्यप्रदेशको उज्जैनस्थित विश्व प्रसिद्ध महाकालेश्वर ज्योतिर्लिङ्ग मन्दिरमा आज बिहान भारतका प्रसिद्ध गायक जुबिन नौटियालले भस्म आरतीमा सहभागी भई महाकाल भगवानको दर्शन गरे। पवित्र भस्म आरतीको दिव्य वातावरण र आध्यात्मिक अनुभूति पाएपछि नौटियाल निकै भावविह्वल देखिए।
दर्शनपछि मन्दिर परिसरमा मन्दिर व्यवस्थापन समितिका सहायक प्रशासक आशीष फलवाडियाद्वारा नौटियालको स्वागत तथा सम्मान गरियो। समितिले उनलाई शाल ओढाएर, प्रसाद र स्मृति चिन्ह प्रदान गर्दै महाकाल बाबाको परम्परागत आतिथ्य सत्कारअनुसार सम्मानित गर्यो।
यस अवसरमा जुबिन नौटियालले मन्दिरको व्यवस्था, अनुशासन, सुरक्षा र भव्यताको प्रशंसा गरे। उनले भने, उज्जैनको महाकालेश्वर मन्दिरको दिव्यता र धार्मिक गरिमा अतुलनीय छ। साथै उनले सम्पूर्ण देशवासीहरूको सुख, समृद्धि र मंगलकामनाका लागि महाकाल बाबासँग प्रार्थना गरेको बताए।
---------------
हिन्दुस्थान समाचार / भवानी थामी
