रायपुर, १८ दिसम्बर (हि.स.)। छत्तीसगढ़को सुकमा जिल्लाको गोलापल्ली क्षेत्रका जंगलमा आज बिहानदेखि नक्सली र सुरक्षा बलबीच भिडन्त जारी छ। प्रारम्भिक जानकारीअनुसार, एक महिला नक्सलीसहित तीन नक्सली मारिएका छन् भने अन्य केही घाइते भएको आशंका गरिएको छ। सुकमा पुलिस अधीक्षक किरण चव्हाणले भिडन्त र तीन नक्सली मारिएको पुष्टि गरेका छन्।

सुकमा पुलिस अधीक्षक कार्यालयका अनुसार, मारिएका नक्सलीहरू किस्टाराम एरिया कमिटीका सदस्य हुन्। तीमध्ये माड़वी जोगा उर्फ मुन्ना उर्फ जगत–एसीएम, सोढी बंढी–एसीएम तथा महिला नक्सली नुप्पो बजनी–एसीएम रहेका छन्।

पुलिस स्रोतका अनुसार, सुरक्षा बलको डीआरजी टोलीले जंगल घेराबन्दी गरी खोजी अभियान शुरु गरेको छ। भिडन्तका क्रममा दुवै तर्फबाट रोकिंदै गोलीबारी भइरहेको छ। स्थानीय अधिकारीहरूका अनुसार, अपरेसन अझै जारी छ र क्षेत्रको अवस्थामाथि निगरानी राखिएको छ।

---------------

हिन्दुस्थान समाचार / भवानी थामी