नयाँ दिल्ली, 18 दिसम्बर (हि.स.)। भारतीय डाक विभागले कर्नाटकमा आज पहिलो जेन-जी थीमको डाकघर शुरू गऱ्यो। यस अन्तर्गत राजधानी बेङ्गलुरूको आचार्य इन्स्टीट्यूट अफ टेक्नोलोजी परिसर स्थित अचित नगर डाकघरलाई पूर्ण रूपमा नयाँ स्वरूपमा विकसित गरिएको छ। यस पहलको उद्देश्य युवाहरू र छात्रहरूका लागि नयाँ डाक सेवाहरूलाई डिजिटल, सुलभ र आकर्षक बनाउनु हो।

केन्द्रिय संचार मन्त्रालयको तर्फबाट दिइएको जानकारी अनुसार, जेन-जी पोस्ट अफिस परम्परागत डाकघरदेखि फरक आधुनिक र जीवन्त स्पेसको रूपमा डिजाइन गरिएको छ। यहाँ वर्क क्याफे-शैलीको इन्टीरियर, नि:शुल्क वाइफाइ, आरामदायी सिट, ल्यापटप र मोबाइल चार्जिङ पोइन्टहरू र कफी भेन्डिङ मेसिन उपलब्ध गराइएको छ। साथै पुस्तक बुथमा पुस्तकहरू र बोर्ड गेमहरू पनि छन्। डाकघरका भित्ताहरूमा संस्थानका विद्यार्थीहरूद्वारा बेंगलुरु, इन्डिया पोस्ट र आचार्य संस्थानको पहिचान प्रदर्शन गर्ने कलाकृतिहरू बनाइएको छ।

डाक विभाग अनुसार, डिजिटल सुविधाहरूमा सेल्फ-बुकिङ किओस्क, क्यूआर कोड-आधारित तत्काल भुक्तानी प्रणाली र माईस्ट्याम्प काउन्टरको व्यवस्था गरिएको छ, जहाँ व्यक्तिगत टिकटहरू छाप्न सकिन्छ। यो व्यवस्था जेन-जीको डीआईवाई सोच र डिजिटल भुक्तानी प्राथमिकताहरू अनुरूप छ।

आचार्य ग्रुप अफ इन्स्टीट्यूशन्सको अकादमिक निदेशक डा. भागीरथी वी.को उपस्थितिमा कर्नाटक पोस्टल सर्कलका प्रमुख पोस्टमास्टर जनरल प्रकाशले 17 दिसम्बरमा यस डाकघरको उद्घाटन गरेका थिए।

बेंगलुरु पश्चिम डिभिजनका वरिष्ठ सुपरिटेन्डेन्ट सूर्यले भने, यस डाकघरको संकल्पना र डिजाइनमा विद्यार्थीहरूको सक्रिय भागीदारी रहेको छ। यो पहल विद्यार्थीको सुविधा, रचनात्मकता र पहुँचलाई ध्यानमा राखेर डिजाइन गरिएको छ। क्याम्पसमा पार्सल प्याकेजिङ जस्ता सेवाहरू प्रदान गर्नाले विद्यार्थीहरूको समय बचत हुनेछ र ढुवानीलाई सजिलो र सुरक्षित बनाउनेछ।

हिन्दुस्थान समाचार / भवानी थामी