गान्तोक, 23 दिसम्बर (हि.स.)। मुख्यमन्त्री प्रेमसिंह तामाङ आज बर्फुङ निर्वाचन क्षेत्रको रालोङ केआरजी सामुदायिक खेल मैदानमा आयोजित प्रथम राज्यस्तरीय एमएलए वेटरन्स गोल्ड कप 2025 को फाइनलमा मुख्य अतिथिका रूपमा भाग लिए। गान्तोक निर्वाचन क्षेत्र र नाथाङ माचोङ निर्वाचन क्षेत्रबीच सम्पन्न फाइनल खेलमा गान्तोक विजयी बन्यो।

उक्त जानकारी मुख्यमन्त्रीले आज सामाजिक सञ्जाल फेसबुक पोस्टमा दिएका छन्। मुख्यमन्त्री तामाङले आफ्नो सम्बोधनमा क्षेत्र विधायक रिक्सल दोर्जी भोटियाले राखेका सड़क र सम्पर्क सम्बन्धित मागहरूलाई प्राथमिकताका साथ विचार गर्ने आश्वासन दिए। उनले राज्यवासीहरूको समग्र विकास र कल्याणको लागि बुनियादी पूर्वाधारहरूलाई सुदृढ़ गर्ने सरकारको प्रतिबद्धता दोहोऱ्याए।

फाइनल खेल अघि बर्फुङ निर्वाचन क्षेत्र र सोरेङ निर्वाचन क्षेत्रबीच एक प्रदर्शनी खेल सम्पन्न भयो भने सिक्किमको समृद्ध धरोहरलाई झल्काउने सांस्कृतिक कार्यक्रमहरू पनि प्रस्तुत गरिएको थियो।

हिन्दुस्थान समाचार / बिशाल