श्रीहरिकोटा (आन्ध्र प्रदेश), 24 दिसम्बर (हि.स.)। भारतीय अन्तरिक्ष अनुसन्धान संगठन (इसरो) ले आज बिहान 8ः55 बजी आफ्नो सबैभन्दा शक्तिशाली रकेट एलवीएम 3 बाट अमेरिकी कम्पनी एएसटी स्पेसमोबाइलको ब्लूबर्ड ब्लक-2 सञ्चार सेटेलाइटको सफलतापूर्वक लन्च गरेको छ। यो यस रकेटको छैटौं अपरेशनल उड़ान (एलवीएम3-एम-6) हो।
यो अभियान न्यूस्पेस इण्डिया लिमिटेड र स्पेसमोबाइलबीच भएको समझौकाको हिस्सा हो। यसले लो अर्थ अर्बिटमा संसारका सबैभन्दा ठूलो व्यावसायिक सञ्चार सेटेलाइट तैनात हुनेछ। यसले सामान्य स्मार्टफोनलाई सोझै अन्तरिक्षसॅंग उच्चतम गति (हाई-स्पीड) इन्टरनेट प्रदान गर्नेछ। ब्लूबर्ड ब्लक-2 स्पेसमोबाइलको अर्को पुस्ताको सञ्चार सेटेलाइट्स शृंखलाको हिस्सा हो।
वजन: लगभग 6100 देखि 6500 किलोग्राम। यो भारतबाट लन्च गरिएको अहिलेसम्मकै सबैभन्दा ठूलो पेलोड हो।
आकार: यसमा 223 वर्ग मीटर (लगभग 2,400 स्क्वायर फीट) को फेज्ड ऐरे एण्टीना लागेको छ। यो लो अर्थ अर्बिटमा तैनात हुनेछ।
क्षमता: यसले 4जी र 5जी नेटवर्कलाई सपोर्ट गर्नेछ। सामान्य स्मार्टफोनलाई सोझै स्पेससॅंग हाई-स्पीड ब्रडब्याण्ड प्रदान गर्नेछ।
स्पीड: यसले 120 एमबीपीएससम्मको पीक डेटा स्पीड दिनेछ। यसले भाइसस कल, भिडियो कल, टेक्स्ट, स्ट्रीमिंग र डेटा सर्विसलाई सपोर्ट गर्नेछ।
उद्देश्य: यसले संसारभरि 24/7 कनेक्टिविटी उपलब्ध गराउने छ। यसद्वारा सुदूर क्षेत्रहरू, समुद्र र पहाड़हरूमा पनि मोबाइल नेटवर्क पुग्नेछन्।
हिन्दुस्थान समाचार / भवानी थामी
