पटना, 24 दिसम्बर (हि.स.)। भारतीय जनता पार्टी (भाजपा) का राष्ट्रिय कार्यकारी अध्यक्ष नितिन नबीन पटना भ्रमणमा रहेका छन्। बुधबार बिहान उनले पटनाको बाँस घाटस्थित काली मन्दिर तथा अखण्डवासिनी देवी मन्दिरमा पूजा–अर्चना गरे। यसका साथै उनले शहरका अन्य प्रमुख मन्दिरहरूको दर्शन गर्ने कार्यक्रम रहेको छ। पटनास्थित गुरुद्वारामा पनि उनले दर्शन गर्नेछन्।

पूजा–अर्चनाका क्रममा भाजपाका प्रदेश अध्यक्ष संजय सरावगी पनि उनका साथमा उपस्थित थिए। दुवै नेताले बिहारवासीसहित सम्पूर्ण देशवासीको सुख, शान्ति र समृद्धिको कामना गरे। मन्दिर परिसरमा पार्टीका कार्यकर्ता तथा समर्थकहरूको उल्लेखनीय उपस्थिति रहेको थियो।

उल्लेखनीय छ, नितिन नबीन मंगलबार पटना पुगेका थिए। उनको स्वागतलाई बिहार भाजपाले व्यापक शक्ति प्रदर्शनका रूपमा प्रस्तुत गरेको थियो। पटनाका सडकहरूमा करिब ६ किलोमिटर लामो रोड शो निकालिएको थियो। त्यसपछि मिलर स्कूल ग्राउन्डमा भव्य अभिनन्दन समारोहको आयोजना गरिएको थियो।

यस क्रममा नितिन नबीनले भाजपा प्रदेश मुख्यालयमा भाजपा विधानमण्डल दलका नेताहरूसँग महत्वपूर्ण बैठक पनि गरे। राष्ट्रिय कार्यकारी अध्यक्षको पद सम्हालेपछि यो नितिन नबीनको पहिलो बिहार भ्रमण हो।

हिन्दुस्थान समाचार / भवानी थामी