मुम्बई, 25 दिसम्बर (हि.स.)। महाराष्ट्रको नान्देड़ जिल्लाको मुदखेड़ तहसील स्थित मुरार गाउँको एउटा सानो किसान परिवारका चार सदस्यले आत्महत्या गरे। मृतकहरूमा आमा-बाबू र दुई सन्तान सामेल छन्। घटनाले नान्देड़को मुदखेड़ तहसीलमा खैलाबैला मच्चियो।
घटनाको जानकारी पाएपछि नान्देड पुलिसले बिहिवार बिहान चारै जनाको शव आफ्नो कब्जामा लिएर अनुसन्धान शुरू गरेको छ। पुलिस निरीक्षक दत्तात्रय मन्थलेले भने, आमाबाबु घरमै मृत भेटिएका थिए र उनीहरूका नानीहरूले रेलवे लाइनमुनि आत्महत्या गरेका थिए। घटनाको अनुसन्धान गर्न फोरेन्सिक टोली बोलाइएको छ। विस्तृत अनुसन्धानपछि मात्र सत्यको खुलासा हुनेछ।
मृतकहरूको पहिचान बजरंग रमेश लाखे (22), उमेश रमेश लाखे (25), उनीहरूका बाबू रमेश होनाजी लाखे (51) र उनीहरूकी आमा राधाबाई रमेश लाखे (44) को रूपमा गरिएको छ।
स्थानीय सूत्रहरू अनुसार, उमेश र गोविन्दले हिजो राति गाउँ नजिकै गुज्रिरहेको रेलमुनि हाम फालेर आत्महत्या गरे। उनीहरूका आमा बाबूले आज बिहान यो कुरा थाहा पाए र दुवैले घरमै आत्महत्या गरे। यो थाहा पाएपछि गाउँलेहरूले पुलिसलाई खबर गरे। पुलिसले घटनास्थलमा पुगेर घटनाको अनुसन्धान गरिरहेको छ।
हिन्दुस्थान समाचार / भवानी थामी
