सिलगढ़ी, 31 दिसम्बर (हि.स.)। नववर्ष ठीक अगाड़ी सिलगढ़ीमा रक्सी तस्करीको एक ठूलो मामिलाको खुलासा भएको छ। सूचनाको आधारमा भक्ति नगर थाना पुलिसले अभियान चलाएर सिक्किमबाट ल्याइँदै गरेको लाखौं रुपियाँको विदेशी रक्सी जफत गरेको छ। यस घटनामा ट्रक चालकलाई पक्राउ गरिएको छ।
पक्रा परेको चालकको पहिचान सिक्किमको रंगपु निवासी अभिषेक विश्वकर्माको रूपमा गरिएको छ।
पुलिस सूत्रहरू अनुसार, हिजो अबेर राति विभिन्न ब्रान्डको ठूलो मात्रामा विदेशी रक्सी सिक्किमबाट सिलगढ़ीमा कार्गो ट्रकमा कार्टुनभित्र लुकाएर ल्याइँदैथियो। तर सिलगढ़ी पुग्नुअघि भक्ति नगर पुलिसले शंकास्पद रूपमा सिक्किम दर्ता नम्बर भएको ट्रकलाई चेकपोस्टमा रोक्यो।
खोजीको क्रममा ट्रकबाट सिक्किममा बनेको आठ कार्टुन रक्सी जफत भयो। पुलिस अनुसार, जफत गरिएको रक्सीको बजार मूल्य लाखौं रुपियाँमा हुने अनुमान गरिएको छ।
पुलिसले वैध कागजात माग्दा चालकले कुनै पनि कागजात प्रस्तुत गर्न सकेन। यसपछि पुलिसले अवैध रक्सी तस्करीको आरोपमा चालकलाई पक्राउ गर्योन। अभियुक्त विरुद्ध बंगाल एक्साइज एक्ट अन्तर्गत मुद्दा दर्ता गरिएको छ र बुधवार जलपाईगढ़ी अदालतमा पेश गरिनेछ।
हिन्दुस्थान समाचार / भवानी थामी