नयाँ दिल्ली, ८ दिसम्बर (हि.स.)। प्रधानमन्त्री नरेन्द्र मोदीले सोमबार लोकसभामा वन्दे मातरम् १५० वर्ष पूरा भएको अवसरमा विशेष छलफलको शुरुआत गर्दै भने, राष्ट्रगीतको १५० वर्षको यात्रा संघर्ष, प्रेरणा र अनेक ऐतिहासिक चरणहरूबाट भरिपूर्ण रही आएको छ।
उनले भने, जब वन्दे मातरम् ५० वर्ष पुरा भयो, तब देश गुलामीको चपेटामा थियो, र १०० वर्ष पूरा हुँदा देश आपतकालको चपेटामा थियो। त्यस समयमा संविधानको घांटी रटियो र देशभक्तहरूलाई जेलमा हालियो। प्रधानमन्त्रीले भने, वन्दे मातरम् त्यो मन्त्र हो, जसले स्वतन्त्रता संग्रामका दौरान सम्पूर्ण देशलाई एकता, वीरता र बलिदानको शक्ति प्रदान गर्यो। १८५७ को प्रथम स्वतन्त्रता संग्रामपछि जब ब्रिटिश शासनले अत्याचार र दमन बढाइरहेको थियो, तब बंकिमचन्द्र चट्टोपाध्यायले वन्दे मातरम् मार्फत अंग्रेज शासनको ‘गड सेव द क्विन’ अभियानलाई शक्तिशाली जवाफ दिए। अंग्रेजहरू यति आतंकित भए कि उनीहरूलाई यस गीतमाथि प्रतिबन्ध लगाउन र यसको प्रकाशन रोक्न कानुन बनाउन बाध्य हुनुपर्यो।
मोदीले भने, वन्दे मातरम् केवल राजनीतिक संघर्षको नारा मात्र थिएन, मातृभूमि ‘मां भारती’ लाई परतन्त्रताबाट मुक्त गराउने पवित्र संकल्प थियो। अंग्रेजहरूले बुझिसकेका थिए कि १८५७ पछि भारतमाथि नियन्त्रण राख्नु सहज रहने छैन, त्यसैले उनीहरूले बंगाललाई केन्द्र बनाउँदै ‘विभाजन गर र शासन गर’ नीतिलाई अघि बढाए। यस्तै चुनौतीपूर्ण समयमा बंगालको बौद्धिक शक्ति र वन्दे मातरम्को उदयले सम्पूर्ण राष्ट्रलाई नयाँ ऊर्जा प्रदान गर्यो।
प्रधानमन्त्रीले भने, आज देश वन्दे मातरमको १५० वर्ष, सरदार वल्लभभाई पटेल र भगवान बिरसा मुंडाको १५०औं जयन्ती, तथा गुरु तेग बहादुरको ३५०औं शहादत दिवस जस्ता ऐतिहासिक अवसरहरूको साक्षी बनेको छ। यो कालखण्डले भारतीय इतिहासका प्रेरक घटनाहरूलाई पुनः स्मरण गर्ने अवसर प्रदान गर्दछ।
मोदीले भने, वन्दे मातरम्ले १९४७ मा देशलाई स्वतन्त्रता दिलाउने आन्दोलनलाई दिशा दियो। आज जब सदन यस छलफलमा सहभागी छ, तब यहाँ पक्ष–प्रतिपक्ष छैन, त्यो ऋण स्वीकार गर्ने अवसर हो जसका कारण हामी लोकतन्त्रको यस उच्च संस्थामा बसेका छौँ। उनले भने, वन्दे मातरम् १५० वर्ष देश र संसद दुवैका लागि गौरवलाई पुनः स्थापित गर्ने महत्त्वपूर्ण अवसर हो।
---------------
हिन्दुस्थान समाचार / भवानी थामी
