नयाँ दिल्ली, 08 दिसम्बर (हि.स.)। संसदको शीतकालीन सत्रको दोस्रो हप्ताको पहिलो दिन कारबाही शुरू हुन अगाड़ी तृणमूल कांग्रेस (टीएमसी) का सांसदहरूले संसद भवन परिसरमा मनरेगाको लम्बित देनदानीलाई लिएर विरोध प्रदर्शन गरे। यो प्रदर्शन पश्चिम बंगाललाई केन्द्र सरकारबाट प्राप्त हुने बाकी राशिको मागलाई लिएर गरियो।
प्रदर्शनमा सांसद काकोली घोष दस्तीदार, महुआ मोइत्रा, सौगात रोय, सताब्दी रोय, प्रतिमा मण्डल, रचना ब्यानर्जी, सायोनी घोष, डेरिक ओ’ब्रायन, डोला सेन, कीर्ति आजाद र असीत कुमारको साथ तमाम सांसदहरूले हातमा प्लाकार्ड र ब्यानर लिएर खड़ा रहे। प्लाकार्डहरूमा “मनरेगा 52 अरब रुपियाँ बाकी”, “भाजपाले जानीबूझेर बंगाललाई वञ्चित गरिरहेको छ”, “चार लाख आवाज, एक प्रश्न- हाम्रो पैसा कहाँ छ ?”, “पाँच सय दिनको कामको बीस हजार करोड़ रूपियाँ बाकी”, “दुई सय दिनको कामको छह सय बीस करोड़ रुपियाँ बाकी” र “भाजपाले राजनीतिक प्रतिशोधको भावनाले बंगालका गरीबहरूलाई सजाय दिइरहेको छ” जस्ता नारा लेखिएको थियो।
संसदको शीतकालीन सत्र 01 दिसम्बरदेखि शुरू भएको छ र विपक्षले दिनहुँ सत्र शुरू हुन एक घण्टा अगाड़ी बिहान 10 बजी देशका विभिन्न मुद्दाहरूमा संसद परिसर बाहिर विरोध प्रदर्शन गर्दै आइरहेको छ।
हिन्दुस्थान समाचार / भवानी थामी
