नयाँ दिल्ली, 09 मार्च (हि.स.)। रक्षा मन्त्री राजनाथ सिंहले आइतवार बेङ्गलुरूमा भारतीय वायु सेनाको एयरोस्पेस मेडिसिन संस्थान (आईएएम) को दौड़ाह गरे। उनले अन्तरिक्ष मनोविज्ञानमाथि उन्न अनुसन्धान केन्द्रको उद्घाटन गर्दै एयरोस्पेस चुनौतीहरूको सामना गर्न अनुसन्धान एवं विकास बढ़ाउने आह्वान गरे। यो पहिलो अवसर हो जब कुनै रक्षा मन्त्रीले यस संस्थानको दौड़ाह गरेका छन्। यस अवधि उनलाई पायलट प्रशिक्षण, उनीहरूको चिकित्सा मूल्यांकन र एयरोमेडिकल अनुसन्धानमा आईएएमको भूमिकाबारे जानकारी दिइयो।
रक्षा मन्त्रीले लड़ाकू पायलटहरूको प्रशिक्षणको निम्ति प्रयोग गरिने डायनेमिक फ्लाइट सिम्युलेटर र हाई परफरमेन्स ह्यूमन सेन्ट्रीफ्यूजको पनि निरीक्षण गरे। उनले संस्थानमा उन्नत अनुसन्धान केन्द्रको पनि शुभारम्भ गरे। यस परियोजनाको शीर्षक ‘अन्तरिक्ष मनोविज्ञान : भारतीय अन्तरिक्ष मिशनहरूका लागि अन्तरिक्ष यात्रीहरू र अन्तरिक्ष यात्रीहरूको चयन र व्यावहारिक स्वास्थ्य प्रशिक्षण’ हो। आफ्नो सम्बोधनमा राजनाथ सिंहले हवाई र अन्तरिक्ष यातायातमा निरन्तर वृद्धिको मध्यनजर एयरोस्पेस मेडिसिनमा विशेषज्ञताको बढ्दो आवश्यकतामाथि प्रकाश पारे।
उनले भने, रक्षाको दृष्टिकोणले अन्तरिक्ष युद्धमा भारत प्रमुख क्षेत्रको रूपमा अघि आएको छ। हामीले यस दिशामा एक कदम अगाड़ी बढ़ाएका छौं र एन्टी-सेटेलाइट जस्ता सबैभन्दा उन्नत तकनीकहरूमा महारत हासिल गरेका छौं। भारत विश्वमा सबैभन्दा तीव्र गतिमा बढ्दो विमानन बजार पनि बनेको छ। हामी अन्तरिक्षमा नयाँ शिखरहरूलाई छोइरहेका छौं, यसैले हामीलाई एयरोस्पेस मेडिसिनमा अझ् अधिक सम्भावनाहरू खोज्ने आवश्यकता छ। अनुसन्धान र विकासलाई बढ़ाउने आवश्यकता छ किनभने कुनैपनि उच्च-स्तरीय जटिल तकनीकमा अनुसन्धानले धेरै क्षेत्रहरूलाई लाभ पुऱ्याउँछ।
हिन्दुस्थान समाचार / भवानी थामी
