गान्तोक, 26 जून (हि.स.)। मुख्यमन्त्री प्रेमसिंह तामाङले आज मनन केन्द्रमा आयोजित एक कार्यक्रमबीच 13 वटा मिनी डम्पर रिसोर्स वाहन झण्डा हल्लाएर आधिकारिक रूपमा लोकार्पण गरे। राज्य सामाजिक कल्याण विभागले उक्त वाहनहरू राज्य ग्रामीण विकास विभागलाई हस्तान्तरण गरेको छ। प्रधानमन्त्री जन विकास कार्यक्रम अन्तर्गत वित्त पोषित यस पहलले राज्यमा दिगो विकास र समावेशी प्रगतिलाई प्रवर्द्धन गर्ने लक्ष्य राखेको छ।
यी वाहनहरूले राज्यमा स्वच्छ भारत अभियान अन्तर्गत ग्रामीण सरसफाई र ठोस फोहोर व्यवस्थापन पहलहरूलाई सुदृढ पार्ने बताइएको छ। यी वाहनहरू ओम्चुङ जीपीयू, रांका जीपीयू, रोङ्गे ताथङ्गचेन जीपीयू, मानेबुङ देन्ताम जीपीयू, फेन्सोङ जीपीयू, पासिङदाङ जीपीयू, दामथाङ जीपीयू, साङ्गमू जीपीयू, नामफिङ जीपीयू, नाम्चेबुङ जीपीयू, सामसिङ जीपीयू, तुरुङ मामरिङ जीपीयू र नामु चुम्पोङ विकास सोसाइटीलाई हस्तान्तरण गरिएको छ।
यस अवसरमा सिक्किम विधानसभा अध्यक्ष एमएन शेर्पा, मन्त्री परिषदका सदस्यहरू, विधायकगण, सिक्किम सरकारका वरिष्ठ अधिकारीहरू पनि उपस्थित थिए।
हिन्दुस्थान समाचार / बिशाल
26 Jun 2025
