गान्तोक, 03 जून (हि.स.)। भारत सरकारको पर्यटन मन्त्रालयका सहायक महानिर्देशक भारती के. शर्मा, सहायक निर्देशक अमित राज लगायत, अशोक इभेन्ट्स र पर्यटन मन्त्रालयको क्षेत्रीय कार्यालय, उत्तरपूर्वीका अधिकारीहरू आज चार दिवसीय भ्रमणको निम्ति सिक्किम आइपुगेका छन्। सिक्किम आउने क्रममा उनीहरूलाई पश्चिम बंगालको बागडुग्रा हवाईअड्डमा टीआईसीका अधिकारीहरू र प्रभारी एडलिन छेत्रीले स्वागत जनाए। आगामी नोभेम्बर महिनामा सिक्किमको पेलिङमा आयोजना गरिने 13औं इन्टरनेश्नल टुरिज्म मार्ट-2025 को अवस्था बुझ्न अधिकारीहरू सिक्किम आएका हुन्। उक्त कार्यक्रम भारत सरकारको पर्यटन मन्त्रालय र सिक्किम सरकारको संयुक्त पहलमा आयोजना गरिने बताइएको छ।

हिन्दुस्थान समाचार / प्रदीप