हैलाकांदी (असम), 06 जून (हि.स.)। मुख्यमन्त्री डा. हिमन्त बिस्व सरमाले मात्र 72 घण्टाभित्रमा दोस्रो पटक बाढ़ी प्रभावित बराक उपत्याकाको दौड़ाह गरे। यसपालि उनको मुख्य उदेश्य हैलाकांदी र श्रीभूमि जिल्लामा बाढ़ीको स्थितिको धरातलीय स्तरमा निरीक्षण गर्नु।
मुख्यमन्त्रीले शुक्रवार बिहान हैलाकांदी जिल्लाको कालीनगरस्थित एक बाढ़ी राहत शिविरको दौड़ाह गरे। यो शिविर निर्माणाधिन कालीनगर प्राथमिक स्वास्थ्य केन्द्र भवनमा संचालित छ जहाँ बाढ़ी प्रभावित ग्रामीणहरूलाई आश्रय दिइएको छ। उनले प्रत्येक कक्षको निरीक्षण गरी 450भन्दा अधिक पीड़ितहरूको स्थितिको जानकारी लिए तथा उनीहरूको समस्या ध्यानपूर्वक सुने।
यस अवधि बराक उपत्याकाका मन्त्रीद्वय कौशिक राय र कृष्णेन्दु पाल पनि मुख्यमन्त्रीसित उपस्थित थिए। त्यसपछि मुख्यमन्त्री पञ्चग्राम टाउन हाईस्कूलमा स्थापित राहत शिविरमा पुगे जहाँ वर्तमानमा 919 जना बाढ़ी पीड़ितहरूले शरण लिएका छन्। शिविरवासीहरूलाई आश्वस्त पारे, सरकार उनीहरूको साथमा छ र उनीहरूलाई आफ्नो ब्यांक खाता तयार राख्न भनियो ताकि चाँड़ै आवश्यक आर्थिक सहायता सोझै उनीहरूको खातमा पठाउन सकियोस्। उनले यो पनि भने, सरकारले बाढ़ीको स्थितिको सामान गर्नको लागि सब आवश्यक उपायहरू गरिरहेको छ।
हिन्दुस्थान समाचार / उष्णता छेत्री शर्मा
