नयाँ दिल्ली, 7 जून (हि.स.)। दिल्ली भाजपा अध्यक्ष वीरेन्द्र सचदेवा अनि भाजपा सांसद कमलजीत सहरावतले शनिवार नजफगढ़ विधानसभाको झरोदा कलाँमा दिल्ली नगरनिगम (एमसीडी) स्टेडियमको शिलान्यास गरे।
यस अवसरमा सभालाई सम्बोधन गर्दै भाजपा अध्यक्षले भने, 14 करोड़ रुपियाँको विकास कार्य गरिनेछ। यसमा एउटा फुटबल स्टेडियम, दुईवटा ब्याडमिन्टन कोर्ट, एउटा बास्केटबल कोर्ट सामेल छन्। यस अतिरिक्त लगभग 102 गल्लीहरूको विकास गरिनेछ।
उनले भने, यो एउटा शिलान्यास मात्र नभएर नवयुवकहरूको उज्जवल भविष्य अनि क्षेत्रको समग्र विकासको दिशामा एक ठोस प्रयास हो। भाजपाको विकास, विश्वास अनि सर्वश्रेष्ठ भविष्यको संकल्प हो।
सांसद कमलजीत सहरावतले भने, पछिल्लो सरकारले फण्ड प्रयोग गरेन। आम आदमी पार्टीको सरकार हुँदा यो फण्ड वर्षौंसम्म निष्क्रिय रह्यो। अब उपराज्यपालद्वारा ग्रामोदय योजना अन्तर्गत यो फण्ड स्थानान्तरण गरिएको छ। यसबाट अब स्टेडियमको निर्माण मात्र हुँदन जबकि गाउँको समग्र विकासको मार्ग पनि प्रशस्त हुनेछ। दिल्लीका अन्तिम व्यक्तिसम्म विकास पुऱ्याउनु नै भाजपाको संकल्प हो।
कार्यक्रममा दिल्ली नगरनिगम जोन डीसी सन्तोष राय, जिल्ला अध्यक्ष राज शर्मा, विधायक नीलम, जोन चेयरम्यान सविता शर्मा, डिप्टी जोन चेयरम्यान बांके पहलवान औ गाउँका सबै मानिसहरू उपस्थित थिए।
हिन्दुस्थान समाचार / उष्णता छेत्री शर्मा
