चण्डीगढ़, 18 जुलाई (हि.स.)। पञ्जाब पुलिसले अमृतसर स्थित स्वर्ण मन्दिरलाई बमले उड़ाउने धम्की दिएको आरोपमा हरियाणाको फरीदाबाददेखि एक सफ्टवेयर इन्जीनियरलाई हिरासतमा लिएको छ। आरोपीको पहिचान फरीदाबाद निवासी शुभम दुबेको रूपमा गरिएको छ। पुलिस आयुक्त गुरप्रीत सिंह भुल्लरले यसको जानकारी दिए।

अमृतसरका पुलिस आय़ुक्त गुरप्रीत सिंह भुल्लरले शुक्रवार बताए, गत 14, 15 र 16 जुलाईमा शिरोमणि गुरूद्वारा प्रबन्धक समिति (एसजीपीसी) लाई मेल पठाएर दरबार साहिबलाई बमले उड़ाउने धम्की दिइएको थियो। यस मेलमा दरबार साहिब बाहेक दिल्लीका स्कूलहरू र तमिलनाडूका धेरै संस्थाहरूको उल्लेख गरिएको थियो।

भुल्लरले बताए, जाँचमा तमिलनाडूका धेरै अधिकारी पनि पञ्जाब पुलिसको सम्पर्कमा छन्। यस प्रकारका धेरै ई-मेल बितेका समयमा तमिनलाडूमा पनि सर्कुलेट भएको छ। ई-मेलमा द्रविड़ मुन्नेत्र कड़गम (डीएमके), दक्षिण राज्यहरूका मानिसहरूको नाम पनि प्रयोग गरिएको छ।

पुलिस आयुक्तले बताए, पक्रा परेको आरोपी शुभम दुबे सफ्टवेयर इन्जीनियर हो, जो दुई कम्पनीमा जब गरेपछि अब बेरोजगार छ। यस मामिलामा पुलिसलाई केही तकनीकी साक्ष्य हात लागेको छ। सोधपुछमा यदि उसको संलिप्तता पाइयो भने उसलाई पक्राउ गरिनेछ।

भुल्लरले बताए, ई-मेल पठाउनका लागि आरोपीले डार्कनेटको प्रयोग गरिरहेको छ, जसको कारण आईपी एड्रेस अन्य-अन्य देशहरूको आइऱहेको छ। हिरासतमा लिइएको आरोपी शुभमसित सोधपुछ गरेर पुलिस के यो कुनै एक्लो साइबर हमला थियो वा यसको पछाड़ी कुनै संगठित नेटवर्क वा कट्टरपन्थी षड़यन्त्र हो, यसबारे पत्तो लगाउनमा जुटेको छ।

हिन्दुस्थान समाचार / भवानी थामी