मुम्बई, 15 अगस्त (हि.स.)। गत दुई दिनदेखि मुम्बईमा रोकिन्दै पानी परिरहेकोले मामूली ट्राफिक जामको समस्या भइरहेको छ तर स्थिति सामान्य छ। राज्यको आपदा प्रबन्धन विभागले वर्षा प्रभावित जिल्लाहरूमा प्रशासनलाई सतर्क रहने निर्देश जारी गरेको छ। भारतीय मौसम विभागले शुक्रवार कोंकण र विदर्भमा आगामी चार दिनसम्म तूफानी हावा, बिजुली चम्किनसाथ भारी वर्षाको चेताउनी दिएको छ। साथै मुम्बईको निम्ति अरेन्ज अलर्ट जारी गरिएको छ।
भारतीय मौसम विभागले शुक्रवार बतायो, मध्य महाराष्ट्र र मराठवाड़ाका केही जिल्लाहरूमा भारी वर्षाको सम्भावना छ। कोंकणको रायगढ़ र रत्नागिरीमा आज र भोली भारी पानी पर्ने सम्भावना छ। मौसम विभागले विदर्भको अमरावती र चन्द्रपुर जिल्लाहरूमा भारी वर्षाको भविष्यवाणी गरेको छ। सोलापुर र धाराशिव जिल्लामा भारी वर्षाको कारण मानिसहरूको जनजीवन प्रभावित भएको छ।
धाराशिव जिल्लामा तेरणा नदीको जलस्तर बढ़ेको छ, यसबाट प्रशासनले तल्ला क्षेत्रहरूमा बस्ने मानिसहरूलाई सुरक्षित ठाउँमा जाने अपील गरेको छ। यद्यपि, अहिलेसम्म कतैबाट ज्यानमालको नोकासनको खबर छैन।
मौसम विभागले मुम्बई, ठाणे, नवी मुम्बई र पालघर जिल्लामा आगामी चार दिनसम्म रोकिन्दै भारी वर्षाको चेताउनी दिएको छ। यी जिल्लाहरूमा गत तीन दिनदेखि पानी परिरहेको छ तर स्थानीय नगर निगमको तर्फबाट गरिएको साफ सफाईले पानी जमा हुने समस्या भइऱहेको छैन। यद्यपि, वर्षालाई लिएर प्रशासन सतर्क छ।
हिन्दुस्थान समाचार / भवानी थामी
