कोलकाता, 16 अगस्त (हि.स.)। पूर्व बर्दवानमा भएको भीषण बस दुर्घटनामा बिहारका 11 निवासीको मृत्युमा पश्चिम बंगालकी मुख्यमन्त्री ममता ब्यानर्जीले गहिरो शोक व्यक्त गरिन् औं मृतकका परिजनहरूलाई 2-2 लाख रूपियाँको सहायता दिने घोषण गरिन्। यसका साथै गम्भीर रूपमा घाइतेहरूलाई एक लाख रूपियाँ र मामूली रूपमा घाइतेहरूलाई 50 लाख रूपियाँको मद्दत दिइनेछ। यो घोषणा उनले स्वतन्त्रता दिवसको अवसरमा राजभवनमा आयोजित चिया समारोहमा सामेल भएपछि शुक्रवार अबेर राति गरिन्।
यो भीषण दुर्घटना बिहिवार बिहान लगभग 7 बजी राष्ट्रिय राजमार्ग 19 मा नवाबहाट फगुपुर नजिक भयो, जब तारकेश्वरदेखि आसनसोल गइरहेको यात्री बस खड़ा लरीसित ठोकियो। ठक्कर यति भीषण थियो कि बसको अगाड़ीको हिस्सा पूर्ण रूपमा क्षतिग्रस्त भयो। बसमा लगभग 60 यात्री सवार थिए, जो सबै बिहारका निवासी थिए र धार्मिक अनुष्ठानपछि घर फर्किरहेका थिए। दुर्घटनामा कम्तीमा 35 जना घाइते भए जबकि मृतकहरूको संख्या बढ्ने आशंका व्यक्त गरिँदैछ।
स्थानीय मानिसहरूले तुरन्तै बचाउ कार्य शुरू गरे औं घाइतेहरूलाई बाहिर निकाले। यद्यपि, उनीहरूले पुलिस र एम्बुलेन्स अबेर पुग्दा रोष व्यक्त गरे, जसबाट घटनास्थलमा केही बेरको निम्ति तनाउको स्थिति पनि बन्यो। प्रारम्भिक जाँचमा बस चालकले नियन्त्रण गुमाउँदा यो दुर्घटना घटेको हुनसक्ने आशंका व्यक्त गरिएको छ। स्थानीय मानिसहरूको भनाई छ, सर्विल लेन भएपनि लरीहरू मुख्य सड़कमा खड़ा रहन्छन् र यसमा प्रशासन सख्त पनि छैन।
यस दुर्घटनाको कारण एनएच-19 मा लामो समयसम्म यातायात प्रभावित रह्यो। पुलिसलाई अतिरिक्त बल तैनाथ गर्नुपऱ्यो ताकि जामको स्थिति नियन्त्रित गर्नसकियोस् र घाइतेहरूलाई छेवैको अस्पतालहरूसम्म पुऱ्याउन सकियोस्।
हिन्दुस्थान समाचार / भवानी थामी
